شاركنا برأيك ..ماما بتطفش العرسان ..اعمل إيه معاها ؟

[Mary Naeem]

شاركنا برأيك ..ماما بتطفش العرسان ..اعمل إيه معاها ؟

انا مهندسة عمري 29 لم يسبق لي الأرتباط و اول مرة اتخطب من 7 شهور ولد محترم جدا وقريبي من بعيد جواز صالونات بس قلب بحب و تمسك شديد من الطرفين امي منفصله عن ابي من 18 سنه لكنهم غير مطلقيين لكنهم علي صله طيبه حتي الان انا عايشه مع امي بس هي طول عمرها متحكمه فيه بشكل مبالغ في مش مدركه ان انا كبرت ولي حياه خاصه انا الحمد لله رغم التقفيل الزائد في طفولتي و مراهقتي لم يوثر علي سلوكي و لم انحرف كل اللي نفسي فيه اني اعيش و اعمل بيت هادىء لا يوجد به الأخطاء التي حدثت لأبي و أمي. امي مقفله عليه قوي انا و خطيبي فين ما نروح هي معانا. في عرسان كتيييير طفشوا بسببها و انا بحب خطيبي و خايفه يزهق وكل اللي في ايدينا اننا نخلص شقتنا عشان نتجوز بس لحد ما يحصل ده اعمل ايه وتنصحوني بإيه ؟

[dodo dodo]

اسمعى كلامها
ولدتك عندها حق

[marit jesus]

بصى انتى حاولى تفهمى والدتك انك مش عايزة يحصل مشاكل بينك وبين زوجك فى المستقبل كما حصل لها هى والدك وانك عايزة تعملى بيت هادىء بعيد عن المشكلات لعلها تدرك ما انتى تريديه وكمان ما تلومش عليها فى حتة انها بتروح معاكم فى كل مكان هى كمان خايفة عليكى وخصوصا اللى فهمته انك وحيدتها ومتعلقة بيكى
فى اباء وامهات كتير بسب تدخله الزائد واهتماممهم الزائد باولاده بتعمل على المشاكل وفشل العلاقة الزوجية ولكنها لو كانت بتدخل فى الامور اللى بينك وبين خطيبك التى تحتاج لتدخلها فيه فا دا شىء عادى ولازم تسمعى كلامها فى الحالة دى انما لو بتقصد انها تطفش العرسان زى ماانتى بتقولى وبتتلكك على اى سبب فدا لنها متعلقة بيكى ومش قادرة تتصور انى فى حد هايجى ياخدك منها خصوصا ان العلاقة بين والدك متوترة وانا متاسفة لو قلتلك ان والدتك قد تكون شخصية متحكمة تفرض ارائها من خلال كلامك وزى ما بتفرض سيطرتها على والدك عايزة تفرض سيطرتها عليكى وعلى خطيبك حاولى تفهميها بالراحة بتمسكك بخطيبك ان كان شخصية كويسة وتضعى حدود لتدخلها فى شئونك بدون ماتجرحى مشاعرها وتغضبيها وربنا يرشدك

[Mary Naeem]

شكرا على تعليقاتكم