اعرف ازاى لو حاجة خطية ولالا

marit jesus · رقم المشاركة : ( 1 ) 03 - 02 - 2016, 09:08 PM

كتير بنقف في مفترق الطرق مش عارفين إذا كان الحاجة اللي هنعملها خطية ولا لأ.. لكن اللي يحسم الموضوع ده إن في حاجات كتير واضحة جداً في الكتاب المقدس بتقول إنها خطية زي مثلاً :

(أمثال 6: 16-19 ) : هذه الستة يبغضها الرب وسبعة هي مكرهة نفسه. عيون متعالية لسان كاذب أيد سافكة دماً بريئاً. قلب ينشئ أفكاراً رديئة، أرجل سريعة الجريان إلى السوء، شاهد زور يفوه بالأكاذيب وزارع خصومات بين إخوة .

(غلاطية 5: 19-21) : وأعمال الجسد ظاهرة التي هي زنى عهارة نجاسة دعارة، عبادة الأوثان سحر عداوة خصام غيرة سخط تحزب شقاق بدعة، حسد قتل سكر بطر وأمثال هذه التي أسبق فأقول لكم عنها كما سبقت فقلت أيضاً إن الذين يفعلون مثل هذه لا يرثون ملكوت الله.

(1كور 6: 9-10) : أم لستم تعلمون أن الظالمين لا يرثون ملكوت الله. لا تضلوا. لا زناة ولا عبدة أوثان ولا فاسقون ولا مأبنون ولا مضاجعوا ذكور ولا سارقون ولا طماعون ولا سكيرون ولا شتامون ولا خاطفون يرثون ملكوت الله"

دي آيات واضحة جداً إن في حاجات معينة الله مش بيرضى عنها زي القتل، الزنا، الكذب، السرقة والحاجات دي، ودي حاجات مفيهاش شك.

لكن المشكلة بتبقى في الحاجات اللي مش مكتوبة بوضوح في الكتاب المقدس لو صح ولا غلط.

في الحالة دي في خطوط عريضة هتساعدنا وهي :

- بدل ما نسأل نفسنا الحاجة دي صح ولا غلط خلونا نسأل هل الأمر دا صح 100%

الكتاب المقدس بيقول (افتدوا الوقت) عشان كده احنا محتاجين نستخدم الوقت في حاجات تبنينا .
- نسأل نفسنا هل ممكن بصدق نطلب من الله يبارك الأمر دا وهل الأمر دا بيعود بالمجد على الله. (1كور 31:10) : فإذا كنتم تأكلون أو تشربون أو تفعلون شيئاً فافعلوا كل شيء لمجد الله.

لو عندك شك إذا كان الأمر دا هيبسط الله ولا لأ يبقى أحسن متعملوش (رومية 23:14) : وأما الذي يرتاب فإن أكل يُدان لأن ذلك ليس من الإيمان وكل ما ليس من الإيمان فهو خطية.

- محتاجين نفتكر إن أجسادنا وأرواحنا هي ملك الله.. ليه لأنه اشتراها بثمن غالي. (1كور 6: 19-20) : أم لستم تعلمون أن جسدكم هو هيكل للروح القدس الذي فيكم الذي لكم من الله وأنكم لستم لأنفسكم. لأنكم قد اشتريتم بثمن فمجدوا الله في أجسادكم وفي أرواحكم التي هي لله".

- مش بس نفكر إذا الموضوع هيزعل الله لكن الموضوع هيبقى تأثيره أيه على عيلتك،

على أصحابك، على الناس عموماً. يعني لو قرار معين هيكون تأثيره سلبي أو هيجرح أو يضر ناس حواليا يبقى لازم أفكر كويس قوي قبل ما آخد القرار. (رومية 14: 21، 1:15 ) :حسن أن لا تأكل لحماً ولا تشرب خمراً ولا شيئاً يصطدم به أخوك أو يعثر أو يضعف" – "فيجب علينا نحن الأقوياء أن نحتمل أضعاف الضعفاء ولا نُرضي أنفسنا"

- أخيراً افتكر إن مفيش ولا حاجة غير الرب يسوع المسيح يستاهل إنه يسيطر على حياتي. يسوع هو اللي لازم يكون ليه السيادة الكاملة على حياتك وحياتي.

(1كور 12:6): كل الأشياء تحل لي ولكن ليس كل الأشياء توافق. كل الأشياء تحل لي لكن لا يتسلط علي شيء