وانت بتحط راسك على المخدة ماتنساش تشكر ربنا على 10 حاجات عملها معاك طول اليوم

[Ramez5]

1-اشكرك يارب يسوع انك رجعتنى البيت بالسلامة وحفظت على طول اليوم
2-اشكرك يارب انك أعطتنى رزق اليوم
3- اشكرك يارب انك خلتنى اشترى طلبات
(طعام .ملابس.ثلاجة. دفعت فلوس المدرسة . اى موقف حصل معاك)
4-اشكرك يارب انك عديت اليوم النهاردة بخير وسلام وانك سترتها معايا
5-اشكرك يارب انك حفظت على عائلتى وخلتنى اطمن على عليهم وعلى اصدقائى
6-اشكرك يارب انى مسيحي
7- اشكرك يارب ان انا كنت فى
(مشكلة , موضوع محيرنى.................)
وانت يارب حلتها لى
8-اشكرك يارب انك خلتنى اصلى ليك وانى سمعت النهاردة صوتك فى
(. الكنيسة.التليفزيون . من الانجيل .من خلال اصدقائى............)
9-اشكرك يارب انك خليت الروح القدس يشتغل فى النهاردة لانى كنت مكسل اروح القداس والروح القدس ايقظنى وفضل يقولى اروح القداس وخلتنى ارنم ترنيمة قلت اجهز نفسى لحضور القداس قبل نصف الليل اصوم باحتراس اشكرك من اجل التناول
10-اشكرك يارب على كل حال ومن اجل كل حال وفى كل حال
وهنا حاسب نفسك واتاسف لربنا على الحاجات الوحشة الغلط اللى انت عملته النهاردة
أ-انا اسف يارب على انى صحيت متاخر وماحضرتش القداس من اوله
ب-انا اسف يارب يسوع انى قمت بادانة فلان وفلان وعلمنى انى ماادنش حد وارجوك تسامحنى
ت-انا اسف يارب يسوع على انى حسدت اهل الشر وعلمنى ان مااحسدش اهل الشر لان يارب انت قلت لاتحسدوا اهل الشر
ث-من فضلك يارب سامحنى ان شفت انسانة محتاجة وانا مساعدتهاش
ج-من فضلك يارب اغفر لى اثامى الكتيرة اغفرلى يارب خطايا الفكر
ح-من فضلك يارب سامحنى انى اشتركت مع فلان وفلانة واتكلمت على ده وديه سامحنى يارب انى دينت الاخرين وانت يارب علمتنا ان لاندين لكى لاندان علمنى يارب كيف انفذ وصاياك
خ-سامحنى يارب يسوع المسيح انى
( شفت منظر لايليق. لبست لبس لايليق. اذكر خطاياك اللى انت عملتها)
د- سامحنى يارب يسوع على انى اتذمرت على....
(اذكر لربنا اللى انت اتذمرت عليه)وعلمنى التواضع والتقبل
ذ-سامحنى يارب على انى كنت مضايق النهاردة واتنرفزت على فلان وفلانة وهما ماكنش ليهم ذنب
ر- سامحنى يارب على كل شىء انا عملته النهاردة وساعدنى ان اتوب توبة نقية واعترف
وياريت تنهي بترنيمة حلوة وابنا الذي في السموات
امين بشفاعات العدراء مريم وجميع القديسين معاكم

[بنتك انا]

امين
اشكرك يارب
موضوع جميل اوى
ميرسى يااستاذ رامز ربنا يباركك

[ميرو]

اشكرك يارب علي كل حال

[walaa farouk]

اشكرك يارب من قلبى على كل حال
ميرسى على مشاركتك الجميلة رامز