زمن الشائعات

[tito227]

زمن الشائعات


للأب أفرايم الانبا بيشوى

ليه يا بلدي بتكتر فيكي المشاكل والاكاذيب والشائعات؟
وزاد فيكي الانين والحنين للماضي والألم والاهات؟
وكله بيطعن فى غيره ويقول أكاذيب وحراميه وتزويرات.
وكل واحد بيفتى فتاوى وسيل ورغاوي من معلومات.
معدناش عرفين فين الحقيقة وفين هي المغالطات؟
ومعدناش فهمين مين اللي عاش ومين اللي مات؟
وفين الاشاعة وفين فى بلدنا ادارة المعلومات؟
وبقينا نبحث فين الكذب والصدق بين القنوات؟
ونبحث عن البى بى سى تقول صادق البيانات!
واحد ينصب نفسه رئيس والتانى يقول شائعات؟
وواحد يقول كدبين مفترين وكل دى استنتاجات!
معدناش عارفين رؤسنا من رجلينا فى زمن الاهات؟
وبقى المواطن غريب فى بلاده وبيدوخ السبع دوخات.
وطعم الثورة ضاع ولعنت الناس زمنها من الازمات .
مفيش انتاج ولا فلوس ولا أمن وانتشرت كمان السرقات.
حرام عليكوا يا عسكر دا انتو بتوع الضبط والربط والتعظيمات
فقدنا الثقة وبقينا فى غابة ومبقاش احترام لدولة ولا لمؤسسات.
مين السبب ؟ الشعب اللي سلم دقنه ولا على بابا ولا الانتخابات؟
عشان ترحمونا بقى اقتلونا واحكموا اسود وديابه ونعاج فى الغابات.
خليكم اسود حولين الحدود اللي بيجي منها السلاح والطلقات.
شوية نظام ياناس يا تمام بلاش لخبطوا حياتنا بالمظاهرات.
شويه سكوت، بلاش تخدنوا بعلو صوت وحرب اشاعات.
شوية حقيقة وانتاج وضمير، وراعو الله فى بلاد الحضارات.
خلينا على قلب واحد نجدف سوا بالسفينة ونعدى الازمات .
دا فرقتنا ضعف وربنا يستر لو استمرينا كدا من القادمات!

[رمانة]

الرب يباركك مشاركة متميزة ورائعة
محبة يسوع وامنا العدرا تحميك
ننتظر جديدك

[محتاجه لايدك ياربى]

كلمات راااااااااائعه بجد وكلنا حاسينها
ميرسى كتييييير
ربنا يعوض تعب محبتك

[Ebn Barbara]

توبك جميل قوي
ميرسي كتير ياتيتو
ربنا يباركك

[برنسيسة]

الكلمات حلوة كتير ياتيتو
ميرسي ربنا يبارك حياتك