المتنيح ابونا اثناسيوس ابراهيم من ايبارشية بنها قيل عنه انه اتشاف كتير بيلم الزبالة وينضف حمامات الكنيسة
طبعا الله ينيح روحه ويقدسها انما بيقولوا الغبى هو اللى الحقيقة تبقى قدامه اكتر من مره ومع ذلك يتجاهلها ويكمل طريقه فى جهل
كام مرة ربنا شاور لنا على ناس بسيطة دخلت السما بدون كلكعة كام مرة حط لنا فى عنينا امثلة انه يحب اللى غلابه بروحهم زى ابونا فلتاوس وتماف ايرينى وبرنابا القس رفائيل
طب بلاش كام مرة قالها علنا فى الكتاب المقدس ان الطوبى راحت للمساكين بالروح ومتواضعى القلب والمزدرى وغير المعروف إلى اخره ومع ذلك احنا مسيطر علينا روح شيطان غبى مخلينا فاهمين اننا هنفرح ربنا بدخولنا الاكليركية و بالخدمة الجامدة بقى ويبقى اسمى امين خدمة ثانوى بنين والمزيكا تدق وانا داخل تلخدمة وصورى مع ولادى تملا الفيس بوك بقا وانا بالمايوه ونازل معاهم البسين عشان يتعرف انى مقرب لسنهم وانهم بيحبونى وكده او بقى اقعد اقول ادى الكهنة اللى حبت ربنا بجد مش ابونا فلان اللى عربيته قد الشارع وابونا علان اللى عنده شالية فى الساحل وابونا اللى عنده البزنس بتاعه وعنده اجنسات ومناحل عسل إلى اخره من الكلام اللى يحدفنا لموت ابدى
عزيزى ربنا شاور بدل المرة ستين على طريق وقال لك ان يهمه القلب وقلب ابونا المتنيح ده كان مسكين وغلبان والدليل انه كان بيقوم بأقل الاعمال اللى هى وظيفة عامل النظافة فاعمل معروف ركز على الطريق الصح للسما
نقى القلب اخدم الله فى صمت
أسأل دوافعك، انا بعمل كده ليه
انا ليه عاوز الناس تهلل لى والعيال يحبونى وباكل الجو ليه وشوف لك هدف صالح ولو هدفك غير صالح تاكد انه كل تعبك قدام ربنا غير مقبول وغير مرءيى اساسا
تعرف مرة كان كاهن الدير صوته وحش بس كان الرهبان بيصلوا وراه القداس حاجة كده عظمه ..فى يوم تعب وجه كاهن تانى يصلى وكان صوته بقى حلو قعد يطول ويجود ويلحن والرهبان منسجمين على الاخر
اخر اليوم ظهر ملاك لرئيس الدير قاله ازاى متصلوش قداس انهارده الرئيس قاله ازاى احنا صلينا
الملاك قاله مفيش حاجة وصلت لنا السماء منكم النهارده الكاهن صلى عشان يبين ان صوته الحلو والرهبان انشغلوا بالتلحين معاه ونسيوا جوهر الذبيحة ربنا بعتنى اعاتبك انكم انهارده مصلتوش ديه قصة حزينة موجوده فى فردوس الاباء لكن فهمتنا ان لو هدفك راح انت قدام ربنا متوزنش حاجةمهما عملت ومتشغلش بالك بالكهنة والاساقفة والبطاركة اللى عايشين خمس نجوم
يا عزيزى فى ناس بتلبس اسود علشان تهلك بيه
اهتم بخلاصك انت فقط الزمن ليس فى صفك والايام بالحق شريرة
