اتعرضت لجراح كتير الام شالتني وشلتها
وجرحت ناس كتير بعدت عنها وسبتها
عوجت المستقيم وعشت حياتي وآسرها
وقيود في أيدي قيدتني ولسنين عشتها
بعد ما طرحتني الخطية ورميتني بطريق اشواك
والمر اللي شربته في صوت إبليس لما قاللي خلاص نساك
وانا بتمادي في شر خطية نهايتها في حياتي هلاك
اتاري بتبكي عليا عنيه
نفسه أعيش جوة حضنه لكني قاسي عليه
ماسك الحربة وعمال بطعن في جنبه. ليه
عشان متعة. بخطايا طرحتني جريح
ولا عشان
فرحان بسوط ابليس اللي بيجلد في قلبي بصحيح
واتاريني مغموم مهموم وقلبي من خطاياه طريح
بجري علي عدو متعب وتارك الصديق المريح
وفي لحظة خابت امالي بكل باطل
وقلت اشغل قلبي بعد ما كان عاطل
ارجع واركع لالهي أعز الاحباب
شفت فيه الأب والصديق بعد الغياب
وكل يوم ينور طريق وبقربه يفتح لي باب
شفت فيه السلام والحب والغفران
وضمد جراحي اللي انجرحتها زمان
وجاني وقاللي انا معاك وهحقق بيك احلام
ها أنا معاك كل الأيام والي انقضاء الدهر والايام
غفرت ليك كل خطية بأغلى الأثمان
مغفورة ليك خطاياك.........
