رئيس crt يوضح سر إقالته ..من القناة

[Mary Naeem]

رئيس CRT يوضح سر إقالته من القناة


كشف أحمد سعيد رئيس قناة سي أر تي الذي تمت اقالته أمس الاثنين من ادارة القناة عن الأسباب التي أدت إلى هذا الأمر، مؤكدا أنه تعرض لمؤامرة من عدة جهات بعد أزمته مع مرتضى منصور.
وكتب سعيد عبر حسابه على فيسبوك قائلا: "أقسم بالله أنا في أعلى درجات السعادة، اللى حصل باختصار أنه حدث تلاعب داخل مدينة الانتاج الاعلامي وقاموا باستخراج الرخصة القديمة أعطوا الممثل القانوني 500 الف جنيه وعملوا له توكيلا من أجل أن يعتذر لنفسه".
وأضاف :"أنا مش ندمان اني قلت الحق، ومش ندمان على موقفي، انا كسبت كتير قوي، كسبتكم وكسبت محبتكم اغلي من كنوز الدنيا وما فيها ، انا انتصرت لمبادئ وانتصرت لحق، دي حرب غير شريفة وموظف مرتشي وصديق خاين الحمد لله علي كل شئ ، وأسف ان كنت زعلت حد مني ، أحبكم في الله".
وتابع :"ياريت يا جماعة كل واحد يحترم نفسه، انا اللي عملت عشانه كده ربنا هو اللي هيجازيني، فبلاش كل واحد ملوش لازمة يعمل نفسه بيفهم عشان انا قرفت من الأشكال دي، اللي عنده ضمير فاهم القصة انا انتصرت لمبادئ وحب في الأهلي وجماهيره ولو دفعت عمري عشانه قليل".
وأضاف سعيد :"آخر حاجة قبل ماقفل الحساب ، انا حاربت عشانكم واللي يقول انه موضوع شخصي شخصي ايه الخناقة كانت بسبب الاهلي ومحمود طاهر ، دافعت عنهم فبدأت الحرب، القناة هترجع إن شاء الله، هو كل اللي عاوزه انه يقفل صوت بس بكرة هعلن عن القناة اللي هطلع عليها".



نقلا عن صدي البلد