| |
|
|
|
|
|
||||||
 |
|
|
أدوات الموضوع | انواع عرض الموضوع |
|
|
|
#1
22 - 06 - 2015, 07:46 PM
|
||||
|
||||
|
زي البغبــــــــــــــــاء  مره بيشو ابن اختى كان بيلعب ف حنفيات الحمام وفتح الحنفيات ع الاخر وقعد يعبي الميه ويرشها لفوق و طبعا لو الميه جات ف اى حاجه فيها كهربا كان هايروح فيها اختى اول ما سمعته جررريت بسرعه ع الحمام ومع انها المفروض عارفه ان فيه سيراميك وعليه ميه يعني المفروووض تاخد بالها وتمشي براحه عشان متقعش لا دخلت مندفعه جداااا ووقعت و ايدها ورجلها اتكسروا وضهرها تاعبها بس ساعتها اختى مفرقش معاها انها وقعت او حصلها ضرر بالعكس كانت فرحانه جدااا انها قدرت تلحق بيشو و ان الضرر جه فيها هى مش فيه وكانت قمة السعاده لكن باباه وجدته وعمه وعماته قعدوا يزعقوله جامد ويقولوه انت اللى وقعت ماما انت اللى كسرت ايدها انت اللى كسرت رجلها انت السبب ف تعب ماما طبعا بيشو صغير و مش فاهم حاجه من الكلام الكبير ده بس كل اللى فاهمه اه هو سبب ف اللى حصل لمامته لكن اختى كانت تطبطب عليه وتقولهم مش مهم محدش له دعوه بيه المهم ان انا لحقته وكانت دايما تحضنه المهم كنت متعوده كل ما اكلم بيشو ف الفون يقولى ازيك يا خالتو عامله ايه كان لسه ميعرفش يتكلم اوى فكلمته بعد ما حصل ده ومستنيه يقولى زي كل مره لكن لقيته بيقولي انا اللى وقعت ماما انا اللى كسرت ايدها انا اللى كسرت رجلها نفس الكلام اللى كانوا بيقولهوله بالظبط يمكن مش فاهمه او عارف معناه لكن حفظه وبقي يقول زيهم وكان بيقول ده وهو بيعيط و زعلان خااااااااااالص ـــــــــــــــــــــــــــ يمكن يكون موقف صغير و الناس تعديه عادى بس لما قعدت افكر لقيت ان قصة بيشو دي بتكرر معانا كلنا يعني بيشو وهو بيلعب ف الحنفيات وبيرش ميه ده بيمثلنا كلنا واحنا ف وسط الخطيه بنعملها واحنا مش حاسين اننا هنضر نفسنا وهنخسر ابديتنا لكن ربنا بيعمل نفس اللى عملته اختى يعني بيجرى علينا عشان ينقذنا من الخطيه ومع انه عارف ان ده هايأذى مشاعره ويجرحه وممكن كمان يهينه لكن كل ده مش بيفرق معاه كل اللى همه انه ينقذناااااااا وبس وبيتحمل اى حاجه تيجي فيه عشان خاطرنا اما باباه وجدته وعمه وعماته بيمثلوا الناس اللى حوالينا اللى بعد ما ربنا بينقذنا من خطيه معينه ونيجي نرجعله نلاقيهم بيقولولنا انت خاطى انت جرحت ربنا انت تعبته انت اتسببت ف اهانته ازاى فاكر انه ممكن يسامحك وبدل ما نفرح بانقاذ ربنا لينا نلاقينا بنكرر نفس كلامهم زي البغبغان حتي لو مش حاسينه او فاهمينه لكن بنحفظه و نردده زيهم لكن ييجي ربنا بكل محبه ويقولنا ملكمش دعوه بكلامهم هما مالهم انا اللى انقذتكم انا اللى اتجرحت و انا اللى تعبت ومع ذلك انا فرحان بده ومش ندمان انى عملت كده ولو عملتها مليون مره مش هندم وهكون فرحان انى بطلعكم من الخطيه بلاش تبقوا زي البغبغان ترددوا كلام اللى حواليكم كده و خلاص انتوا عارفين ان ده اللى بيجرحني ويتعبني فعلا ايوه انكم تنسوا اللى عملته عشانكم وفرحتكم بيا وتفتكروا بس كلام الناس وترددوه وتصدقوهم هما وتنسوا كلامي سيبكم من كل اللى حواليكم علاقتكم بيا انا وبس انا هنسي جرحكم واذيتكم لمشاعرى المهم عندي انى احافظ عليكم كل اللى بطلبه منكم بس انكم تعاملونى كأب تحبــــــــــــونى لانى حبيتكم وبذلت نفسي عشانكم ومستعد ابذلها مليون مره كمان لو الامر تطلب منى ده عمرررررى ما هتأخر تـأمـــــــــلات مـــن واقـــــــع الحيـــــــــــــــاه التعديل الأخير تم بواسطة بنتك يايسوع ; 29 - 06 - 2015 الساعة 07:17 PM 
|
|
#2
22 - 06 - 2015, 09:18 PM
|
||||
|
||||
|
رووووووووعة التامل بجد يا مرمر
أد ايه ربنا حنين اوى برغم اننا بنزعله
|
|
#3
22 - 06 - 2015, 10:38 PM
|
|||
|
|||
|
جمييييييييييل اووى التامل
ربنا حنين على كل ولاده مع اننا بنضايقه كتير ربنا يباركك 
|
|
#4
22 - 06 - 2015, 11:06 PM
|
|||
|
|||
|
+ لقد ربطتى بين إبن أختك وهو يعبث بالماء وبين قصة صلب يسوع الإله ملك الفـــــداء تأمل جميل يابنت يسوع فيه نـور وضـــــياء + مرقس إسـكندر مقار
|
|
#5
23 - 06 - 2015, 12:23 AM
|
||||
|
||||
|
تامل جميل جدا بجد
ربنا يبارك خدمتك المميزة حبيبتى
|
|
#6
23 - 06 - 2015, 05:44 AM
|
||||
|
||||
|
تأمل رائع جدا ربنا يبارك خدمتك وموهبتك
|
|
#7
23 - 06 - 2015, 11:09 AM
|
||||
|
||||
|
روووووووووووعة يا مرمر
بجد تحفة ربنا يكمل شفائها على خير وتقوم بالسلامة
|
|
#8
23 - 06 - 2015, 03:47 PM
|
||||
|
||||
|
عندك حق احنا للاسف بنعمل كده
ميرسى جداااا تامل رائع
|
|
#9
30 - 06 - 2015, 09:29 AM
|
||||
|
||||
|
ميرسي كتيييييييير لمروركم الجميل
|
|
#10
30 - 06 - 2015, 11:24 AM
|
||||
|
||||
|
جميل جدا التامل دا فى منتهى الروعة وربنا يبارك خدمتك
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| البغبغاء | Mary Naeem | الصور العامة والمتنوعة | 0 | 22 - 02 - 2014 07:55 PM |
| صوره رائعه لمجموعه من طيور البغبغاء للمشاركه فى الطعام | Mary Naeem | الصور العامة والمتنوعة | 0 | 05 - 11 - 2013 05:04 PM |
| تدريب البغبغاء الرمادى | Mary Naeem | هواة تربية الطيور | 2 | 22 - 08 - 2013 09:27 PM |
| اسماك البغبغاء ؟؟ | Marina Greiss | هواة تربية أسماك الزينة | 0 | 03 - 11 - 2012 11:01 PM |
العرض المتطور