علمتنى الحياة

[sama smsma]

علمتنى الحياة

أن الأصدقاء الحقيقيون قلة قليلة جداً علمتنى الحياة أنك ممكن تستغنى عن أى حد فى الوجود إلا أمك فلا يوجد بديل لها


علمتنى الحياة انك مهما عملت فى هذه الحياة هناك أشياء لن يجلبها لك المال مهما حاولت واشتغلت


علمتنى الحياة انك ان عرفت ان تقرأ العيون جيداً ستعرف الكثير عن الأشخاص الذين تتعامل معهم

علمتنى الحياة ان المال يجىء ويذهب دائماً لكن هناك أشياء يصعب الحفاظ عليها

علمتنى الحياة
محدش كبير على 3 : الحب والخطر والخطية

علمتنى الحياة أن من الصعب أن تقنع انسان أن يشعر بشىء محدد غير ما يشعر به!!

علمتنى الحياة
الهدوم ياما بتخبى : )

علمتنى الحياة أن التلفزيون والتليفون والانترنت إختراعات خطيرة لأنهم أكثر تأثيراً على حياة البشر (يستهلكوا كثيراً من وقت البشر)

علمتنى الحياة أن الصحة شىء لا يعوض أبداً ، السعادة مع المرض شىء صعب يصل إليه القديسون فقط أو من يقترب جداً من الله

علمتنى الحياة أن الحب الحقيقى لازم يغير حياتك ويشقلبها كمان و إلا يعتبر "نزوة عابرة"

علمتنى الحياة أن الرجل هو الرجل و الست هى الست فى أى مكان و زمان ومهما اختلفت الأجناس والأعراق والأديان....

علمتنى الحياة أن تعتنق ديانة ما ليس بالضرورة أنك تعيشها، وأن تمارس أشكال تلك الديانة لا يعنى أيضاً أنك متديناً

علمتنى الحياة أن الجهل يتفشى بصورة رهيبة و سريعة بينما الوعى والثقافة شىء اختيارى صعب الانتشار إلا فى ظروف مناسبة ومشجعة بالنسبة للى هاجروا وسابوا مصر عادة بيتغيروا ويشبهون كثيرا اللى رقصوا على السلم (بشفق عليهم فى الحتة دى)

علمتنى الحياة ان مش لازم نربط كل حاجة بحاجة !!! أحياناً الأمور تكون مالهاش أى علاقة ببعض!

علمتنى الحياة انى مش لازم اعقد أفكر كتير لأن عادة بتيجى عاصفة تمسح كل تفكيرى وأكتشف انى تعبت نفسى عالفاضى...

علمتنى الحياة ان الفرح حاجة بين زوج وزوجة يرتبوها بالشكل اللى يعجبهم مش للناس عشان تتفرج أو تاكل وتنبسط وتهيص وتبدى رأيها

علمتنى الحياة.. اوعى تدى ودنك لكلام الناس مش هتخلص ومش هتعيش

علمتنى الحياة ان طريقة حياتك ف ايدك انت بسسسسس انت اللى تختار عايز تعيش ازاى وف أى جو

علمتنى الحياة ان العلاقات شىء مهم لكن كترها وجع دماغ و تلقى بهمّ وعبء مالوش لازمة فى أحيان كثيرة بالنسبة للنقطة السابقة كنتيجة.. عمرى ما حبيت أكون مشهورة أو اعرف طوب الأرض، بسيب الطوب للأرض

علمتنى الحياة
ان الأكل مش كل حاجة فى الحياة !!!!! (مفهوم غريب اوى و ف حياة كثير من الناس)

علمتنى الحياة ان عمر ما كان الCV كافى عشان أقيم شخص! لازم أشوفك! (ياما ورق جميل مرتب والأصل فاضى!)

علمتنى الحياة ان الهيافة والسطحية طريق سهل أوى ومنتشر آخر حاجة على الأرض علمتنى الحياة ان الوقت أكبر عدو للإنسان إن لم يعرف كيف يتعامل معه

علمتنى الحياة أن أقصر الطرق بين نقطين هو الخط المستقيم Apply it b2a ! ابتسامة طفل صغير تقدر تغير مودى تماماً ما يحدث ويتحدد فى طفولة كل شخص يشكل بقدر كبير ما يحدث له وما يكون عليه لاحقاً لذلك فالتربية شىء صعب وخطير جداً

[Mena Delpiero]

موضوع جميل جدا وكلام في منتهي الواقعية
شكرا ليكي يا سما ربنا يباركك

[sama smsma]

ميرسى مينا كتيييييير لمرورك الحلو
ربنا يفرح قلبك

[كاترينا]

موضوع جميل جدا يا سمسمه
ربنا يباركك ويفرح قلبك الجميل

[sama smsma]

ميرسى يا كاتى يا قمر لمرورك الجميل

[بنتك يايسوع]

علمتنى الحياة انى مش لازم اقعد أفكر كتير لأن عادة بتيجى عاصفة تمسح كل تفكيرى وأكتشف انى تعبت نفسى عالفاضى...


بجد بجد جميل اوووووووووووووووى اووووووووى
ميرسي كتير ياسكرة للموضوع الرائع بجد

[روشا الفرفوشه]

ميرسى على موضوعك الجميل