يعني ايه الناس معادن ؟
وليه دايما بنشبه الناس بالمعادن ؟
كم تعاملت فيها تعاملت مع شخص ظهر ليك بمعدن لامع وبراق ولما قربت منه اكتشفت زيف معدنه ؟
تعالوا نفكر كده في معادن اصبحت نادره مابقتش موجوده ؟
معدن الحب
الاصاله
الجدعنه
الرجوله
العطاء
هل احنا جوانا اصلا معادن حلوه وبتتحول مع الزمن لمعادن وحشه ؟
ولا احنا اللي بنحاول نكتسب المعادن الكويسه والحقيقيه ونستبدلها بمعادن مزيفه جوانا ؟
منين نجيب المعادن الكويسه ؟
وهل معادنا تتاثر بمعادن اللي بنتعامل معاهم وهل ده معناه ان معادنا مش حقيقيه لان المعدن الحقيقي المفروض انه مايتاثرش بأي معدن تاني ؟
لكن احيانا فعلا المعادن الفالصو لما تتحط جمب معدن الدهب بتاخد من الدهب فده معناه اننا ممكن بمعادنا الاصيله ناُثر بالايجاب ف معادن الاخرين المعادن المزيفه ؟؟
بنتألم ونتصدم كتير ف اشخاص لكن هل مرات كمان اشخاص بيتصدموا فينا وفي حقيقه معادنا ؟
قيل أن الناس معادنهكذا يشبه الناس .. الناسوأكثر من حاز على تقييمهم من المعادن هوالذهب(من حيث الأصالة في الصفات ومقاومة عوامل الزمان والمكانوإصراره على امتلاك تلك الخاصية سواء أكان مدفونا تحت الأرض أو متعلقا يزهو على رقبة حواء أو يمسك بمعصميها قيدا محببا أو خبيء في خزائن ومقفول عليه)
المهم أنك لا يمكن تلاقيه مرمي كده ف الشارع لكن دايما بيحتل ارقي الاماكن في القلب والعقل
فلنكن جميعا هذا المعدن
سوسنه مكرم
