اضحك

[جرجس5]

"اضحك" لما تبقي راكب مترو زحمة ومش لاقي مكان تقف فيه....في ناس نفسها بس تحس إن في ناس حواليها
..
"اضحك" لما تحط إيدك ف جيبك ومتلاقيش غير 2 جنيه مغسولين....كويس إن مامتك سابتهملك ف البنطلون
..
"اضحك" لما تبقي ماشي مضايق اوي ..والمطره تغرقك..ربنا بيزغزغك عشان تضحك
..
"اضحك" لما تحب حد جدآ و فجأة يسيبك و يمشي....كفاية إنك حبيته بجد وقلبك دق شوية
..
" اضحك" لما تبص ف ورقة الإمتحان ومتعرفش تحل....عشان لو ظهرت النتيجة ونجحت هتضحك إن جت معاك كده..ولو شيلت المادة هتضحك إنك خدت فرصة تانية تعلم نفسك
..
"اضحك" لو رجليك فقفقت من كتر اللف ع الشغل...كفاية إنك شميت هوا الشارع
..
"اضحك" لما تشتري بطيخه وتطلع قرعة.....مش أحسن ما كان اشتراها واحد غلبان ومبيشوفهاش غير م السنة للسنة
..
"اضحك" لما فجأة كده تتعب اوي...أكيد هيظهر علي موبايلك إسم حد كان واحشك
..
"اضحك" لما تحس إنك لوحدك...وخليك واثق إن في حد ف الجانب الأخر من العالم بيشاورلك وبيقولك استناني
.. مع المسيح الحياة حلي الضحك فيها

[كاتى]

هههههه ضحكت اهو
بس اكتر حاجه عجبتنى علشان بحب المطره جدااااا

"اضحك" لما تبقي ماشي مضايق اوي ..والمطره تغرقك..ربنا بيزغزغك عشان تضحك

[koko32100]

"اضحك" لما تحس إنك لوحدك...وخليك واثق إن في حد ف الجانب الأخر من العالم بيشاورلك وبيقولك استناني
مع المسيح الحياة حلي الضحك فيها
شكرآ ربنا يبارك خدمتك

[جرجس5]

ميييييييييرسى بجد لمروركم وكل واحد بقى بيحب حاجة غير التانى بس للامانة دى مش تاليفى دى منقووولة انا مش بالف ولا بكتب حاجة يا جدوووعان عشان تبقوا عارفين

[كاتى]

مهو احنا عارفين ياجرجس وساكتين
انت اللى فضحت نفسك
هههههههههه
بس بجد مشاركه جميله

[جرجس5]

عارفين وساااااااكتين طيب بتقولوا ايه عليا جواكوا يعنى لا انا بس نسيت اكتب انها منقولة وانا بعمل الموضوع هى تقريبا تاليف مينا مجدى بس عجبتنى قولت اجبهالكوا المهم انها عجبتكوا اى ان كان مين اللى كتبها

[بنتك يايسوع]

جميله اوووووووووووووووى بجد ودي اكتر واحه عجبتني

"اضحك" لما تبقي ماشي مضايق اوي ..والمطره تغرقك..ربنا بيزغزغك عشان تضحك
..

[Mary Naeem]

حلوة قوي يا جرجس
اضـحــك ^_^