الحفلة_على_وزير_الكهرباء يغزو تويتر..

[Mary Naeem]

الحفلة_على_وزير_الكهرباء يغزو تويتر..

صدى البلد

دشن نشطاء موقع التواصل الإجتماعى "تويتر" هاشتاجا ساخرا على وزير الكهرباء، أطلقوا عليه "#الحفلة_على_وزير_الكهرباء" نظرا لتفاقم أزمة انقطاع الكهرباء التى أخذ الكثير من المصريين يعانون منها فى ظل أرتفاع درجة الحرارة وانقطاع المياه، ولاقى هذا الهاشتاج تفاعلا كبيرا من جانب النشطاء حتى أحتل المركز الأول على مستوى مصر عبر "تويتر".

وغرد "@blalezat18" : "يا جماعة الكهربا بتروح وبتيجي اهم حاجه الأخلاق"، فيما قال "@mohsehahrf200" : "وزير التموين طالع برغيف ملهوش حل ويقولك دا مدعم عاوزين وزير الكهربا يطلع ماسك سلك عريان ويقنعنا ان الكهربا مابتقطعش".

وفى نفس السياق، علقت "@meen_amira" : "انت متخيل يا عم الوزير انت ان الواحد بيخاف يزور صاحبه يقطع النور فجأة يتقال عليه انت نحس متخيل بصوت ريهام سعيد"، وأضاف "@Lotfy_labyb" قائلا : "بكرة نفتكر الأيام إللي الكهربا كانت بتقطع فيها دي، ونضحك أوي من قلبنا، ونروح طافيين الحطب ونتغطي بالفرو وننام".

كما قال "@FawZiAhmD" : " انتوا فاهمين غلط وظالمين #الحكومه ..هما بيقطعوها عشان نستخدم الشمع ونحب بعض ونعيش ف الجو الرومانسى بتاع الشموع"، أما "@shimaamihoubII" قالت : " كلمنى عن عداله التوزيع اللى تخليك تقطع النور عن قرية من 8 الصبح ل9بالليل وماتقطعهاش عن شارع ساكن فيه ناس مهمه".

بالإضافة إلى ماغرد به "@Kamalelmallah9t" : " نفسى اعمل حاجة صح قبل ما اموت وهى ان ارميك ف اوضه طالمة كحل لحد ماتموت مقهور انت ووزير الاتصالات"، فيما غردت "@SuuhEssa94" : " قطع الكهربا بقى زى الدوا كل ست ساعات و لو مقطعتش تحصل انتكاسة و الفيش تضرب لوحدها كده".

بينما قال "@eslamlovers99" : "لا ومبسوط اوي وهو بيقولك بعد اربع سنين....ليه يا عم احنا مبنستناس حد اربع سنين غير المنتخب علشان يتأهل لكاس عالم"، وأضاف "@abdobadr14 " قائلا : " مستخسرين فى الناس حتى شوية النور ال بيشوفوا بيهم الايام السوده اللى هما عايشينها".