افدح الاخطاء على مر التاريخ

[Mary Naeem]

افدح الاخطاء على مر التاريخ


1- الحرب العالمية الأولى:
---------------------------------

احسن وصف ليها انها حرب ماكانش ليها اي ﻻزمة....بس مع ذلك هي كانت حتمية وهتحصل هتحصل، نتيجة الصراعات والاطماع بين القوى الاوروبية القديمة

في الوقت ده (1914) كانت العداوة بين المانيا (يادوب متوحدة من 40 سنة وﻻ حاجة) وبين فرنسا شديدة جداً....
وحروب توحيد المانيا على ايد بيسمارك كان جزء كبير منها موجه ضد فرنسا (عدو مشترك للدويلات الألمانية)

وكمان في البلقان، صربيا كانت حليفة قريبة اوي من روسيا، وكانت بتكافح لمنع اطماع امبراطورية النمسا-المجر

انجلترا كمان كانت فيه منافسة اقتصادية كبيرة بينها وبين دولة ألمانيا الجديدة...

- تنبأ بيسمارك قبلها بعشرات السنين ان الحرب الكبيرة اللي جاية في اوروبا هتكون بسبب حاجة غبية في البلقان...

وحصل فعﻻً ان امير النمسا (ولي عهدها) كان في سراييفو، وقتله واحد صربي...

قامت النمسا اعلنت الحرب على صربيا....طبعاً روسيا هددت انها هتقف مع صربيا، وألمانيا لأنها حليفة النمسا، اعلنت الحرب على روسيا، وألمانيا كان عندها كابوس انها تتزنق في حرب من ناحيتين، روسيا من الشرق وفرنسا من الغرب، فكان عندهم خطة اسمها شليفن Schlieffen ...ان في حالة اي صراع مع روسيا، يروحوا من خﻻل بلجيكا ويحتلوا فرنسا بصورة مفاجئة في اسرع وقت عشان يتفرغوا لروسيا...

إﻻ ان بلجيكا في الوقت ده كانت تبع معاهدة تضمن حيادها، وانجلترا هددت انها هتتدخل لو المانيا هوبت ناحيتها..

الالمان برضو نفذوا خطتهم، وعشان كده بريطانيا بعتت جيوشها تساعد فرنسا....في الوقت ده كانت روسيا كمان دخلت الحرب مع النمسا والمانيا....واتحقق كابوس المانيا انها تتزنق بين فرنسا وروسيا...

ودخلت بعد كده اطراف كتير للحرب زي الامبراطورية العثمانية...
وايطاليا باعت المانيا والنمسا وانضمت للحلفاء

خﻻل 4 سنين مفيش وﻻ طرف قدر يحقق نصر ملحوظ.....بس كل طرف كان مستعد يضحي بارواح كتيرة جداً...

مش مجال الموضوع هنا وصف الحرب وﻻ باقي الاطراف، انما مجرد انها بقت حرب كبيرة جداً دون داعي حقيقي وكلها بسبب التحالفات والاطماع الاوروبية....وفي الاخر مفيش فريق قدر يكسب التاني....وانتهت بصلح في الاخر لكنه كان مهين لألمانيا اكتر...والحرب دي تسببت في صعود الشيوعية والفاشية والنازية بعد كده

ولو ان فيه اراء انها كانت هتحصل هتحصل...

(اغتيال الأمير فرانتس، امير امبراطورية النمسا - المجر في سراييفو)




2- انقسام خلقيدونيا (باتكلم عنه سياسياً)
-----------------------------------------------------

انقسام بﻻ أي داعي حيث اكتشف الجانبان بعد 1500 سنة ان كل كنيسة حفظت الايمان الرسولي (راجع الاعﻻنات المشتركة في القرن العشرين) وغباء الطرفين في محاربة الاخر بضراوة وقتها، جعل دخول العرب واحتﻻلهم الشام ومصر ممكناً....
ومنها جمعوا الجزية والاموال لتمويل حروبهم التالية لحد ما دخلوا اسبانيا وبعدها لما العثمانيين وصلوا لفيينا...


3- هونوريوس ونهب روما :
----------------------------------
دخل شعب القوط حدود اراضي الرومان بحثاً عن مكان يعيشوا فيه بسﻻم...وطلبوا ارض بعيدة محدش ساكنها على الحدود، لكن الامبراطور الشاب هونوريوس استمع لنصائح فادحة من مستشارين ليه، اقنعوه انه يظهر لهم القوة ويخدعهم، ومرة تانية يقتل قرايبهم البرابرة اللي عايشين وسط الرومان.. وهكذا في سلسلة قاتلة من الاخطاء الفادحة ادت إلى نهب المدينة العظيمة روما وتدميرها إلى حد كبير...وبعد 50 سنة فقط سقطت الامبراطورية بالكامل

يذكر انه بعد لعب كتييييير وخداع كتير.....(قصة شيقة ومليئة بألعاب السياسة والذكاء...بس مش موضوعنا هنا...اللي عايز عندي فيلم من البي بي سي عنها حكاااية)

في الاخر قرر الامبراطور هونوريوس يعمل التصرف الصح ووصل لاتفاق انه هيتفق مع القوط....راح ملك القوط (أﻻريك) عشان يسافر له في العاصمة وقتها رافينا Ravenna... ووهو في السكة.....احد الجنراﻻت الرومان كان من اصول قوطية، وكان بيكره اﻻريك جداً، عمل له كمين والامبراطور هونوريوس مش عارف.....طبعاً اﻻريك اقتكر الامبراطور بيخونهم للمرة الرابعة....
وقرروا ينتقموا وفعﻻً رجعوا على روما ونهبوها وحرقوها

نهب روما



4- جوفاني جوستينياني لونجو Giovanni Giustiniani Longo
--------------------------------------------------------------------------------
من عائلة كبيرة اوي من جمهورية جنوا (القرن ال15) في ايطاليا...قائد شاب في جيش جمهورية جنوا....وكان ليه منصب كمان في الامبراطورية البيزنطية...

لما العثمانيين حاصروا القسطنطينية.....الراجل ده مول بنفسه تجهيز ونقل 700 جندي عشان يساعدوا في الدفاع عن المدينة ضد العثمانيين...من غير ما حد يطلب منه..

وبفضل الكاريزما بتاعته البيزنطيين والجنويين (اللي من جنوا يعني) ما اتخانقوش وعملوا التحصينات مع بعض..وركزوا على تصليح الحفر اللي حصلت في الجدار بعد ما العثمانيين ضربوا طلقات مدافع عليه...
وليه فضل كبير كمان في ان القسطنطينية قدرت تصمد فترة طويلة رغم فرق القوة الرهيب للعثمانيين..

كل ده جميل....فين الغلطة بقى؟

يوم 29 مايو 1453...في الهجوم الأخير من السلطان محمد الثاني....جوفاني أصيب بسهم او حاجة....اصابة خطيرة جداً....وارتكب غلطة قاتلة....لأنه طلب ان جنوده ينقلوه جوه المدينة....ورغم ان الامبراطور البيزنطي قنسطنطين ال11 باليولوغوس اترجاه انه يثبت مكانه...إﻻ انه برضو خﻻهم يشيلوه لجوه...
البوابات كانت مقفولة...وفتحوها عشان يدخلوه...طبعاً كل جندي بره كان خايف او كده...راح جري على جوه...طبعاً وسط الحرب لو لقيت ناس حواليك بتجري....هتخاف انت كمان وتجري....وانتشر الهلع

العثمانيين لما شافوا الهلع اللي حصل بسبب انسحاب لونجو، ركزوا هجومهم ع الحتة دي...ودخلوا القسطنطينية وانتهت الإمبراطورية البيزنطية....

مش محتاج احكي بقى عن سقوط القسطنطينية الشهير....وازاي الاتراك (العثمانيين) دبحوا وحرقوا واستعبدوا السكان (المسيحيين) ومن القصص ان الاتراك لما جم، كان معاهم اعﻻم حمرا وجايبين كمان عيالهم وستاتهم...
ولما دخلوا المدينة بقى كل واحد يدخل بيت ينهب ويقتل ويعمل....ويحط علم احمر، عشان العثمانيين التانيين يعرفوا ان البيت ده اخده واحد تركي خلاص...

يذكر انه على عكس لونجو....الامبراطور قنسطنطين اظهر شجاعة نادرة، ولما الاتراك دخلوا اخر تحصين، الراجل رمى نفسه في بحر من الجنود الاتراك، يضرب يمين وشمال واختفى....وبيقولوا ماعرفوش جثته غير من جزمته بعد كده....

بعد 400 سنة...اتحررت اليونان من الاحتﻻل العثماني وكان الامبراطور قنسطنطين ال11 باليولوغوس رمز لثورتهم

سقوط القسطنطينية