صلاة هزت قلوب الملايين لابونا بيشوى كامل

[magdy-f]

صلاة هزت قلوب الملايين لابونا بيشوى كامل

[magdy-f]

صلاة لقدس ابونا المتنيح القمص بيشوي كامل
كاهن كنيسة مارجرجس اسبورتنج



في هذه اللحظات يا ربي, اللحظات الخطيرة في حياتنا, نقدم ليك الشكر والحمد لأنك أتيت بنا إلي هذه الساعة, لأن يا ربي من منا كان يضمن أن يكون ليه عُمر إلي هذه اللحظة. وأنا أيضاً يا رب الواقف أمامك هل كنت أضمن لي عُمر إلي هذه اللحظة ولكن أشكرك يا ربي من أعماق القلب لأنك فتحت لنا باب جديد

مين منّا يارب واقف قدامك دلوقتي ومالوش أمل فيك ان حياته تكون حياة قديس
هو ده اللي بطلبه منك يا رب الليلة ان احنا نختفي وانت تبتدي دلوقتي تبارك الخبزات وتكسرها وتشبع الكل ... الحقيقة يا ربي انت بتعمل كده معانا في سر التناول بإستمرار ... عمرك ما جوّعت واحد مننا لكن الليلادي يا ربي عاوزين نفوسنا تتحرك عشان تستقبل هذا الخبز الحي لكي يعمل في حياتنا ويجددها ويخلقها من جديد?

أُنظر إلي النفوس المُخلصة ... لا تنظر إلي ضعفي وإلي ذُلي ومسكنك ... أنا عارف يا ربي إن انت عينك لا تغفل عن واحد أبداً ... مفيش خروف من إيدك يستطيع الشيطان أن يخطفه أبداً
كل نفس جرّبها وارشدها عشان تعرف تعيش معاك ... انا ماعرفش يا ربي أعلّم كل واحد إزاي تكون الحياة مع المسيح ... ولكن إنت تستطيع ان تقتحم كل قلب ... كل شيئ فينا ناقص ... كلنا يا ربي محتاجين إلي نعمة غنية تسند ... سوف لا تدخل الكراهية إلي قلوبنا ولا الحقد ولا الضغينة ... سوف نحب إلي الجيل التالي بنعمتك الساكنة فينا

إِنْ عِشْنَا فَلِلرَّبِّ نَعِيشُ، وَإِنْ مُتْنَا فَلِلرَّبِّ نَمُوتُ. فَإِنْ عِشْنَا وَإِنْ مُتْنَا فَلِلرَّبِّ نَحْنُ ... ليست لنا حياة منفصلة عنك ياربي ابداً ولكن حياتنا بعيد عنك يا ربي لا تساوي أكثر من حفنة تراب حقير تُداس بالرجلين يا ربي ... ولكن حياتنا في المسيح يسوع حياة ليها قيمة في عينيك ... سنعيش أمناء ونشهد لمحبتك ... سنشهد يا ربي لصليبك ولقطرات الدم التي يا ربي تتساقط من جنبك الطاهر ... سنسمع صوتك يا ربي من علي رابية بعيدة، فوق الجلجثة، فاتحاً ذراعيك، تقول: (اليوم تكون معي وترث ملكوتي)

أذكر يارب الكنيسة كلها وأُذكر كل نفس مُشتتة ومُعذبة في ضلال هذا العالم ... يارب مين يعرف النفوس الضالة إلا إنت؟ ... مين هيسهر علي النفوس دي في الليلة دي إلا إنت؟
يارب افتقد الكل بالمراحم الواسعة ... أُذكر ابائي الكهنة ... أُذكر أبونا تادرس في مكانه أيضاً ... أُذكر أبونا لوقا ... أُذكر أخويا أبونا متي أيضاً ... أُذكر ضعفي ... أُذكر أبائنا الكهنة في هذه المدينة وفي كل مدينة
أُذكر أبونا البطرك ياربي وهو بيقود دفة السفينة ... إملئه من كل حكمة روحية ... إملئه من قوة روحك القدوس ... إعطي ليه مجد وبهاء للكنيسة كلها يارب علي ايديه.
لا تنسي اننا شعبك وغنم رعيتك ... ليس لنا راعي سواك ... باركنا ... ضع يدك علينا كلنا وباركنا ... فرد فرد ... لا تنسي واحد ... سامحنا ... إنسي اللي فات يا يسوع ... لأنك حنين ...
أخيراً يا ربي، بشفاعة كل القديسين إسمعنا عندما ندعوك نحن اولادك :
أبانا الذي في السماوات?

[Mary Naeem]

ربنا يبارك حياتك

[magdy-f]

[Ebn Barbara]

ميرسي كتير ليك مجدي
ربنا يباركك

[magdy-f]