هو عشان ابقي بعبد مسيحي
اسقف وازعق وازيد من تسبيحي ؟؟
انت ياللي بتقول كنيستي مش مشبعاني
مفكرتش انك انت الجاني ؟
لماسبت كنيستك ورحت تسمع اغاني ؟؟؟
ليه متمسكتش بكنيستك الارثوذكسيه؟
ده اباؤك تعبوا كتير عشان يخلوها قويه
وانت تيجي تقول كنيستي مش غنيه!!!
طب تعالي معايا ادوقك جسد ودم فاديا
اللي موجودين ع المذبح في الصينيه ليك وليا
وقادرين يغفروا كل خطيه ...
ومن غيرهم مش هتعرف تعيش الابديه...
ولو قدرت ......تعالي معايا اسهرك سهره كيهكيه .....اقصد سهره سمائيه...
عشان اعرفك يعني ايه كنيستك الارثوذكسيه!!!!
ليه بتنكر شفاعه العدرا والقديسين؟؟؟
دي حمايه ليك من كل تعب وانين
دي ام النور واقفه تتشفعلك عند فاديك
وتصلي طول الوقت ليا وليك...
دلوقتي جاي تقولي مفيش شفاعه !!!!
طب ليه مبقاش عندك وداعه ؟
ليه بتنكر شفاعتهم وتقول انا زيهم؟
ده انت محتاج جهاد وصلاه منهم عشان توصلهم
ايوه كلنا اخوات واحباب وبينا محبه وسلام
لكن من جهه عقيده وطقس كنيستي ....مفيش كلام ولااستسلام !!!!!
