بالفيديو و الصور.. السيسي يركب الدراجة ليوفر 16 جنية
قال الرئيس عبد الفتاح السيسى، إن «مصر تحتاج إلى القوة الذاتية للمصريين في الفترة الحالية، وإلى توحيد جهودها والعمل على نبذ الخلاف من أجل التغيير».
وأضاف السيسي، في كلمة له خلال مشاركته بماراثون الدراجات، اليوم الجمعة، الذي أنطلق من أمام الكلية الحربية بالقاهرة، أن «الهدف مش إننا نعمل نشاط ونعمل رياضة بس لا دة فيه رمز للموضوع رمز الوحدة، وحدتنا كلنا كشعب إحنا عاملين النشاط دة علشان كدة الفكرة بتاعته مبنية على إن احنا عندنا كتير أوي يجمعنا مش النشاط الرياضى لا إحنا المصرين نتجمع على قلب رجل واحد».
وشدد رئيس الجمهورية على «ضرورة اتباع طرق غير تقليدية لتوفير الوقت والوقود للذهاب إلى الجامعة أو للعمل»، لافتا أن «الساعة ونص أو الساعة بالدراجة تودي حضرتك الجامعة أو تودي حضرتك الشغل، وأشار إلى إمكانية الإناث في ارتياد دراجة».
وتابع: «لو حضرتك راكب عربية هتدفع تقريبا 4 جنيه في العشرين 25 كيلو دول ومصر هتدفع 8 جنيه في العشرين كليو دول، يعني انا لو اتمشيت لو كنت اقدر أو لقيت وسيلة زي كدة، هدي مصر 16 جنيه؟ - ايوة طب لما يكون معايا 3000 بيعملوا كدة يبقى في اليوم بكام أنا قولت على مشوار واحد مش كل المشاوير أيوة مش هتتبني بلدنا غير كدة».
وأوضح الرئيس عبدالفتاح السيسي، أن «الماراثون شارك فيه عدد كبير من الشباب والإعلاميين والفنانين، أبرزهم ليلي علوي ويسرا وحسين فهمي، ومجموعة من الرياضيين، وأن هذا يحمل رمزًا معنويًا وتأكيدًا هلة أننا معندناش مشكلة أبدا نختلف عليها وكلنا بنحب بلدنا وعايزين مصلحتها بحسب قول الرئيس».
13 - 06 - 2014, 12:22 PM
العرض المتطور