قوم يا مصري
قوم يا مصري وبطل تناحة .... الموضوع مش بسيط
بلاش غتاتة وسخافة وسنتحة .... وتعمل فيها عبده العبيط
بتتلكك انها محسومة ... لا اوعى الموضوع فعلا غويط
بيقولوا لك خليك يعني ايه لازمته .... لا افهم بقا وخليك حويط
يا عم ولا هافرق في حاجة ... انا اضربها اجازة وازيط...
خليك انت حارق دمك ع الفاضي ..... انا بقا قررت اطير
لاااا استنى عندك هنا .... محتاج اقول لك كلمتين
مصر امانة في رقبتك ماهيش لعبة ... حرام عليك تضيعها مرتين
صوتك امانة لبلدك .... فوق صحصح وخليك راجل وأمين
مصر محتاجة لك اكتر من الاول .... لو ضاعت تاني نجيبها منين
مصر ضاعت قبل كدا ... ورجعناها بعد عذاب وسفك دم ثمين
كان بردو بسبب ناس زيك كدا .... قالوا نعصر لمون او مش نازلين
اقف أسد على ارضك ... وقول انا نازل عشان الناس الغلابة الطيبين
الفرصة جات لك تاني .... قول كلمتك وشجع ناس تانيين
#انزل_شارك بصوتك .... مصر فاتحة حضنها لأولادها المخلصين.
