سلام المسيح معاكم يااحلى اخوات
النهاردة حصل معايا موقف فجاءت فى دماغى فكرة موضوع ( كلام الناس )
نبدا بالموقف اللى حصل
اللى حصل ياجماعة انى كنت قاعدة مع اصحابى فى النادى وقاعدين نهزر ونلعب ونضحك ومبسوطين وشوية وجاءت بنت تقعد فى الطربيزة اللى جنبنا مع ولد ( مز) بحب اقول التفاصيل
المهم البنت قاعدت من هنا ولقيت البنات اصحابى نازلين همس وغمازات
فى اية ياعيال ؟
مافيش ياكلارا
ياعيال فى اية ؟
اصل البنت دى كل يوم مع ولد شكل
ياراجل ؟
طيب وانتوا مالكم ؟
يعنى اية واحنا مالنا ؟!
اة وانتوا مالكم هو انتوا اللى هتحسبوها مثلا وبعدين دى سمعة بنت ماهو ممكن يكون خطيبها
خطيبها اية ؟! بنقولك كل يوم مع حد شكل
برضه انتوا مالكم ماكل واحدة فيكم تخليها فى نفسها وكل واحد يبص على اللى بيعمله
( دا الحوار بتاعى وبتاع اصحابى )
********************************
سؤالى بقى :
لية مابقناش ورانا غير الكلام ع الناس ونتكلم على دة ودة وكل واحد فاكر نفسه الملاك اللى قاعد
ودى بتعمل وبتعمل
ودا بيسوى وبينيل
انتوا مالكم ؟
هو انت اللى هتحسابها او هتحاسبه ؟!
اموت واعرف هى الناس ماتعرفش تقعد ساعة ع بعضها غير لما تجيب فى سير الناس
طيب ماتبص على نفسك انت هتلاقى نفسك زبالة من جواه وانت عارف انك زبالة
بس انت اللى ماكنتش واخد بالك
