|
 |
 |
 |
|
|
|
رقم المشاركة : ( 1 )
17 - 01 - 2014, 07:54 PM
|
|||||||||||
|
|||||||||||
|
سر بسيط قد يكون مفتاح لنجاحك
هل حاسس انك كان ممكن تكون ناجح لولا الظروف ؟ هل تعتقد ان بعض الظروف اللي حواليك هي السبب اللي بيعيقك في إنك توصل لهدفك ؟ هل بتفكر بالأسلوب ده ؟ لو كانت الإجابة: نعم يبقى اقرا معانا الموضوع ده الباحثين أثبتوا - زي ما قلنا قبل كده - إن ا لاختلاف بين الناجحين و غير الناجحين هو حاجه واحدة بس الحاجه دي هي : طريقة تفكيرهم الناجحين بيفكوا بأسلوب مختلف شوية و هو ده السبب الرئيسي لنجاحهم مش الظروف المحيطة بيهم نمط غير الناجحين في التفكير غير الناجحين دايما بيحاولوا يبرروا عدم نجاحهم..دايما لما بتواجههم مشكلة ما بيدوّروش على حلول ليها لكن بيستسلموا في بساطة ويدوّرا على شماعة ظريفة جدا -يعلقوا عليها فشلهم- إسمها الظروف دايما تلاقي الشخص ده بيدور على أي حد يلومه على فشله يلوم مديره لأنه مش متفاهم معاه يلوم والده لأنه كان بيعاقبه في طفولته يلوم عيلته لأنها مش موفرة جو ملائم له يلوم أي حاجه.. انشالله الأقدار و الحظ السيء لو مالقاش حاجة يلومها المشكلة في الشخص ده إنه بيستسلم بسهولة جدا لأنه بيعتقد إن أي حاجه في حياته هو مش مسئول عنها لكن أي حد أو حاجة تانية غيره هو نفسه نمط الناجحين في التفكير لو تأملت سيرة أي شخص ناجح – أي شخص ناجح !- هاتلاحظ حاجة غريبة قوي.. هاتلاحظ إن الشخص ده في بدايته كانت ظروفه في غاية القسوة و ان الطريق ماكانش مفروش أمامه بالورود و الأزهار هاتلاحظ إن الناس دول مابيؤمنوش بالحظ لكن بيؤمنوا بقدراتهم على النجاح --الفكره هنا إيه ؟؟ لو حد واجه أي إحباط في حياته , و لقى نفسه بيفكر بطريقة لوم الآخرين دي اعرف انه كده مش هايحل أي حاجه و إنه اختار الطريق السهل و هو الاستسلام و لوم الظروف لما الشخص الناجح بيواجه المشاكل , بيعتبرها مجرد مطبات في طريق نجاحه حواجز لازم يعديها عشان يوصل لهدفه -عارفين الموضوع عامل زي إيه ؟؟ لو في يوم الصبح لقيت الدنيا بتمطر و انت رايح الشغل.. هاتعمل إيه ؟ الفاشل ممكن يلعن الظروف الجوية و يتغيب عن عمله الناجح بمنتهى البساطة.. هايجيب مظلة و يروح شغله هي دي استراتيجية التفكير الإيجابي اللي بنتكلم عنها.. أي ظروف في طريقك انت قادر تماما انك تتغلب عليها دا لو ماستسلمتش و و قعت في فخ اسمه : لوم الآخرين و الظروف -عايز تكون ناجح ؟ يبقى كون أقوى من الظروف و كمل طريقك.. امسك مظلتك و امشي في العاصفة لوم الظروف الجوية مش هايوصلك لطريق النجاح اللي انت رايحه حياتنا دي احنا اللي متحكمين فيها مش أي حد تاني.. مشاكلنا كلها حلها في ايدينا احنا.. مش في إيد الظروف التعديل الأخير تم بواسطة كاتى ; 17 - 01 - 2014 الساعة 07:59 PM 
|
|
17 - 01 - 2014, 08:04 PM
|
رقم المشاركة : ( 2 ) | ||||
|
..::| VIP |::..
|
رد: سر بسيط قد يكون مفتاح لنجاحك
فعلا مشاكلنا حلها في ايدينا واحنا بنتلكك بالظروف
ميرسي كتير كاتي |
||||
|
|
|
17 - 01 - 2014, 08:09 PM
|
رقم المشاركة : ( 3 ) | ||||
|
† Admin Woman †
|
رد: سر بسيط قد يكون مفتاح لنجاحك
موضوع مهم جداااااااااااا يا كاتى ياريت مش نتحجج بالظروف لان حل كل مشكلة فى ايدينا احنا |
||||
|
|
|
21 - 01 - 2014, 04:38 PM
|
رقم المشاركة : ( 5 ) | |||
|
..::| العضوية الذهبية |::..
|
رد: سر بسيط قد يكون مفتاح لنجاحك
موضوع جميل ورائع جداً ... شكراً جزيلاً للمشاركة الرائعة أختي العزيزة كاتى... ربنا يباركك ويبارك حياتك وأعمالك وخدمتك المباركة ويعوض تعب محبتك ، ويفرح قلبك وأحبائك دائماً والمجد لربنا القدوس يسوع المسيح دائماً..وأبداً..آمين |
|||
|
|
|
23 - 01 - 2014, 02:09 PM
|
رقم المشاركة : ( 7 ) | ||||
|
..::| العضوية الذهبية |::..
|
رد: سر بسيط قد يكون مفتاح لنجاحك
هو طبعا الانسان لازم يكون مجتهد ويفكر فى حلول كتير أمام الظروف ومنها طبعا الصلاة لكن فى بعض الأحيان بتكون الظروف شديدة وأقوى ونحاول وسط الظروف الصعبة اننا نطلع بأقل الخسائر يعنى معروف طبيا ان أى انسان تحصله مشكلة..حزن أو غيره أو رحيل أحباب..لو الزعل استمر أكتر من 6 أشهر يبقى الانسان دخل فى حالة مرضية لكن المهم نحاول نطلع بأقل الخسائر ونواصل المسيرة شكرا كاتى على الموضوع المهم |
||||
|
|
|
23 - 01 - 2014, 04:44 PM
|
رقم المشاركة : ( 9 ) | ||||
|
..::| مشرفة |::..
|
رد: سر بسيط قد يكون مفتاح لنجاحك
حياتنا دي احنا اللي متحكمين فيها مش أي حد تاني.. مشاكلنا كلها حلها في ايدينا احنا.. مش في إيد الظروف
|
||||
|
|
 |
|
العرض المتطور