ﺍﻓﺘﺮﺍﺿﻲ

[Mary Naeem]

ﻋﺎﺭﻑ ﺍﻧﺖ ﻟﻮ ﺭﻛﺰﺕ ﺷﻮﻳﻪ ﻣﻊ ﻧﻔﺴﻚ , ﻫﺘﻼﻗﻲ ﺍﻥ ﻛﻞ ﺣﺎﺟﻪ ﻓﻲ ﺣﻴﺎﺗﻨﺎ ﺑﻘﺖ
ﺍﻓﺘﺮﺍﺿﻲ .. ﺩﻩ ﺣﺘﻲ ﺍﻟﺒﻮﺳﺖ ﺩﻩ ﺑﻮﺳﺖ ﺍﻓﺘﺮﺍﺿﻲ .. ﺍﻧﺖ ﻻ ﺷﺎﻳﻔﻨﻲ ﻭ ﻻ ﺣﺘﻲ
ﺳﺎﻣﻊ ﺻﻮﺗﻲ , ﻣﺠﺮﺩ ﺑﺘﻘﺮﺍ ﺧﻄﻮﻁ ﺟﻨﺐ ﺑﻌﻀﻬﺎ ﺍﺳﻤﻬﺎ ﺣﺮﻭﻑ ﻓﻲ ﺷﺎﺷﻪ
ﺑﺘﻨﻮﺭ .. ﺭﻛﺰ ﺣﺘﻼﻗﻲ ﺍﻥ ﺍﺻﺤﺎﺑﻚ ﺍﺗﺤﻮﻟﻮﺍ ﻟﻤﺠﺮﺩ ﺍﻛﻮﻧﺘﺎﺕ ﻋﻠﻲ ﺍﻟﻔﻴﺲ ،
ﺣﻀﻮﺭﻫﻢ ﻳﻌﻨﻲ ﻧﻘﻄﻪ ﻟﻮﻧﻬﺎ ﺍﺧﻀﺮ ﻓﻲ ﻗﺎﻳﻤﺔ ﺍﻝ ! chat ﻭ ﻟﻮ ﺣﺪ ﺑﺘﺤﺒﻪ
ﻻﻗﻴﺖ ﺟﻨﺐ ﺍﺳﻤﻪ ﺍﻟﻨﻘﻄﻪ ﺍﻟﺨﻀﺮﺓ ﺩﻳﻪ ! ﻗﻠﺒﻚ ﻳﺰﻏﺮﻁ ﻣﻦ ﺍﻟﻔﺮﺣﻪ ﻣﻊ ﺍﻥ ﻛﻞ ﺩﻩ
ﻣﻦ ﻧﻘﻄﻪ ﺧﻀﺮﺓ ... ﺍﻋﺠﺎﺑﻨﺎ ﺑﻘﻲ ﺑﺪﻭﺳﺔ ﻻﻳﻚ .. ﻓﺮﺍﻗﻨﺎ ﻋﻦ ﺑﻌﺾ ﺑﺒﻠﻮﻙ ..
ﺣﺘﻲ ﻟﻤﺎ ﺑﻨﻮﺣﺶ ﺑﻌﺾ ﺍﻭﻱ ﺑﻨﻜﺘﻔﻲ ﺑﻤﻜﺎﻟﻤﻪ ﻋﻠﻲ ﻣﻮﺑﺎﻳﻞ ﺍﻭ ﻧﺸﻮﻑ ﺻﻮﺭ...
ﺍﻟﻠﻲ ﺑﻴﻮﺣﺸﻨﺎ ﻋﻠﻲ ﺍﻟﻼﺏ ﺗﻮﺏ ... ﺍﺧﺒﺎﺭﻧﺎ ﻭ ﻣﻌﻠﻮﻣﺎﺗﻨﺎ ﻭ ﺍﺭﺍﺋﻨﺎ ﻧﺘﻴﺠﺔ
ﻣﺠﻤﻮﻋﺔ ﻣﻮﺟﺎﺕ ﺿﻮﺋﻴﺔ ﺑﺘﺨﺮﺝ ﻣﻦ ﺍﻟﺘﻠﻴﻔﺰﻳﻮﻥ ﺑﺘﺸﻜﻞ ﺷﺨﺼﻴﺘﻨﺎ ﻭ
ﺍﺧﺘﻴﺎﺭﺍﺗﻨﺎ .. ﺭﻛﺰ ﻛﺪﻩ ﻫﺘﻼﻗﻲ ﻋﻴﻮﻧﺎ ﺍﺑﺘﺪﺕ ﺗﻨﺴﻲ ﺷﻜﻞ ﺍﻟﻮﺭﺩﻩ ﺍﻟﺒﻠﺪﻱ ﻣﺪﺍﻡ ﻓﻲ
ﺻﻮﺭ ﻭﺭﺩ ﻛﺘﻴﺮ ﻣﻤﻜﻦ ﻧﺒﺘﻌﻬﺎ ﻟﺒﻌﺾ ﻋﻠﻲ ﺍﻝ whats app , ﻭ ﻋﻠﻲ ﺍﻻﻗﻞ
ﺍﻟﺼﻮﺭﻩ ﻣﺶ ﺑﺘﺪﺑﻞ !! ، ﺣﺘﻲ ﻳﻮﻡ ﻣﺎ ﻧﺤﺐ ﻧﻤﺴﻚ ﻭﺭﺩﻩ ﺗﺒﻘﻲ ﻭﺭﺩﻩ ﺻﻨﺎﻋﻲ ....
ﺣﺘﻲ ﺭﻳﺤﺔ ﺍﻟﻘﺮﻧﻔﻞ ﻓﻲ ﻳﻮﻡ ﺭﺑﻴﻊ ﻣﻠﻬﺎﺵ ﻻﺯﻣﻪ ﻣﺪﺍﻡ ﻓﻲ ﻣﻌﻄﺮ ﺍﻟﺠﻮ
ﺍﻟﻤﺴﺘﻮﺭﺩ ... ﻧﺴﻤﺔ ﺍﻟﺒﺮﺩ ﺍﻟﺼﺎﻓﻴﻪ ﺑﺘﺎﻋﺔ ﺍﻟﺼﺒﺢ ﺧﻼﺹ ﻣﺒﻘﻨﺎﺵ ﻧﺴﺘﺤﻤﻠﻬﺎ ﻓﻲ
ﺯﻣﻦ ﺍﻟﺪﻓﺎﻳﻪ ﺍﻟﻜﻬﺮﺑﺔ ... ﺣﺘﻲ ﻗﻴﻤﺘﻨﺎ ﺑﻘﺖ ﻣﺠﺮﺩ ﺍﺭﻗﺎﻡ ﻓﻲ ﺍﻟﺒﻨﻮﻙ .. ﺍﻟﻠﻲ ﻳﻔﺮﻕ
ﻭﺍﺣﺪ ﻋﻦ ﺗﺎﻧﻲ ﻋﺪﺩ ﺍﻻﺻﻔﺎﺭ ﺍﻟﻠﻲ ﺟﻤﺐ ﺍﻟﻮﺍﺣﺪ .. ﻓﻲ ﺯﻣﻦ ﺍﻟﻤﺎﻛﻴﻨﻪ ﻣﻔﻴﺶ ﻭﻗﺖ
ﻟﻠﺘﺄﻣﻞ .. ﻛﻞ ﺩﻗﻴﻘﻪ ﺑﻔﻠﻮﺱ ! ، ﻓﻲ ﺯﻣﻦ ﺍﻟﺸﻐﻞ ﻣﻔﻴﺶ ﻭﻗﺖ ﻟﻠﻤﺘﻌﻪ , ﺍﺻﻞ
ﺍﻻﺟﺎﺯﻩ ﻳﻌﻨﻲ ﻧﻮﻡ ... ، ﻓﻲ ﺯﻣﻦ ﺍﻟﺼﺮﺍﻉ ﻣﻔﻴﺶ ﻭﻗﺖ ﺍﺻﻼ ﻟﻼﻧﺴﺎﻥ .. ! ﺭﻛﺰ
ﻫﺘﻼﻗﻲ ﻧﻔﺴﻚ ﻋﺎﻳﺶ ﻓﻲ ﺍﻛﺒﺮ ﻣﺠﺘﻤﻊ ﺍﻓﺘﺮﺍﺿﻲ ﻣﻤﻜﻦ ﺗﺘﺨﻴﻠﻪ ، ﻭﺳﻂ
ﺍﻟﺰﺣﻤﻪ , ﺍﻧﺖ ﻟﻮﺣﺪﻙ ... ﺑﺘﻀﺤﻚ ، ﺗﻬﺰﺭ ، ﺗﻌﻠﻲ ﺻﻮﺗﻚ .. ﺑﺲ ﺑﺮﺿﻪ
ﻟﻮﺣﺪﻙ !! .... ﻋﺎﻭﺯ ﺗﺤﺲ ﺑﻘﻴﻤﺘﻚ ﻭ ﺗﻀﻴﻊ ﺷﻌﻮﺭ ﺍﻟﻮﺣﺪﻩ ﺩﻩ , ﺍﻭﻋﻲ ﺗﺘﺨﻠﻲ ﻋﻦ
ﻋﺎﻟﻤﻚ ﺍﻻﻓﺘﺮﺍﺿﻲ , ﻋﺎﻭﺯ ﺗﻀﺤﻚ , ﺗﺤﺐ , ﺗﻜﺮﻩ , ﺗﻘﻮﻝ ﺭﺍﻳﻚ , ﺗﺘﺠﻮﺯ , ﺗﺮﻭﺡ
ﺍﻟﺤﻤﺎﻡ , ﺗﺸﺠﻊ , ﺗﻌﻤﻞ ﺍﻱ ﺣﺎﺟﻪ !! ﺍﻋﻤﻠﻬﺎ ﺟﻮﺍ ﺍﻟﻌﺎﻟﻢ ﺩﻩ ... ﺍﺻﻠﻚ ﻣﻦ ﻏﻴﺮﻩ
ﺍﻧﺖ ﻣﻠﻜﺶ ﻭﺟﻮﺩ , ﺍﺻﻞ ﺍﻧﺖ ﻓﻲ ﺍﻟﺤﻘﻴﻘﻪ ﻛﺎﺋﻦ ﺍﻓﺘﺮﺍﺿﻲ !!

[بنت معلم الاجيال]

جميل اوي ميرسي علي المشاركة

[Rena Jesus]

اكتر من رااااااااااااااااااااااااائعه احنا فعلا بقينا كده
ميرسى مرموره ربنا يباركك

[Mary Naeem]

شكرا على المرور