علي فكره أنــا مش متخلف

[Mary Naeem]

علي فكره أنــا مش متخلف
ولا انا أهبــــــل زي ما انتو بتسموني
ولا أنــا عبيط فعلشان كده بتستخفوا بيا
...

وكمـــان مش لازم تخلوا ولادكم يضحكوا عليا كل ما بيشوفوني
ولا يتريقوا علي طريقة كلامي
ومش لازم تحسسوهم اني هقتلهم لو شوفتهم
أصـــل الحكايه أبسط من كده بكتير !
كل الحكايه ان ربنا ميزني عنكم وعندي كروموسوم زياده !!
وعلشان ربنا خلق كل شيئ بقدر معين ..ويختل الشي اذا زاد او نقص هذا القدر !
فزيادة الكروموسوم دي عملتلي خلل في حجات كتير الحمد لله
يعني غيرت شكلي اللي انتو بتستغربوه ..
خلت عندي مرض في القلب من صغري ..خلت فمي صغير ومش بقدر
احافظ علي لساني بداخله طول الوقت
عملتي مشاكل وأمراض كتير في الجهاز الهضمي وفي اماكن تانيه
خلتني أكثر عرضه للامراض علشان مناعتي قليله !
خلتني أقل منكم ذكاء ..بس الحمد لله انا بفهم حجات كتير زيكم بس مش بنفس الدرجه ..
خلت عندي صعوبه في الكلام ومخارج الحروف ..فمش لازم تضحكوا لما اتكلم
شوفتوابقي كوووووووووول الحجات دي علشان كروموسوم بس زياده
يعني انا مش مختلف اووي ولا انا كائن من كوكوب تاني دخيل عليكم
انا ليا حق في الحياه زيي زيكم ..ومكنش اختيار اني اكون دوان
ورساله مني ليكم ..رفقا بيا ..ومتجرحونيش بنظراتكم ..ولا تجرحوا امي بكلامكم
يعني من الاخر
KEEP CALM
IT IS ONLY AN EXTRA CHROMOSOME

[بنت معلم الاجيال]

انا ليا حق في الحياه زيي زيكم ..ومكنش اختيار اني اكون دوان
ورساله مني ليكم ..رفقا بيا ..ومتجرحونيش بنظراتكم ..ولا تجرحوا امي بكلامكم
يعني من الاخر
keep calm
it is only an extra chromosome

[Mary Naeem]

شكرا على المرور

[اوفا]

عندهم الف حق طبعاً

[Mary Naeem]

شكرا على المرور

[مورا مرمر]

موضوع بجد جميل اوووى

[walaa farouk]

ميرسي على مشاركتك الجميلة

[Mary Naeem]

شكرا على المرور

[MenA M.G]

موضوع مميز .. مشاركة رائعة
ربنا يبارك خدمتك

[Rena Jesus]

ربنا يبارك تعب محبتك