ضبط الفكر

[Mary Naeem]

ضبط الفكر
~~~~~~~

(محاضرة لابونا بولس جورج)
.....................................
...1:الحواس تذكر دائما انه اي شئ انت هتسمعه او هتشوفه الشيطان هيحاربك بيه فحاول تحافظ علي نظرك وسمعك نضيف بقدر الامكان لانه لو اي نظره عابره او اى كلمه كده ولا كده الشيطان هيحاربك بيها فيما بعد واياك تقول هيا هتيجى علي البصه ولا الكلمه ده مجرد بدايه وهيحاربك بيها الشيطان لو اتهاونت معاه
2:عدم الانشغال بالاحداث اليوميه الخارجيه لاحظ انه اي فكره هتسيطر عليك هتسيطر علي صلاتك قرارتك حياتك اليوميه فلا تدع الاحداث تسيطر عليك لانها احداث زمنيه موقته فلا تعطى شيئا اكبر من حجمه لا تستسلم للحدث لانه لو استسلمت للحدث هيكون تفكيرك تحت سيطرة الحدث
3: قلل من كلامك لانه من الممكن ان تجعل فكرك مضطربا بسبب كلامك
4: القدره علي وقف الفكر : لابد ان يكون لديك ايمان انك قادر بمعونه ربنا علي وقف الفكر اخرس ابعد عني ياشيطان نعم الفكر قابل للانتهار ولا تنسي الصلاه السهميه ياربي يسوع المسيح اعنى يارب يسوع المسيح قوينى ...
5: قدم اعتذار لربنا عن اي فكره بطاله : عارفين ليه؟ لانه احيانا بيكون انتهارنا لافكرنا ناتج عن كبرياء القلب ازاى؟ يعنى اقعد اقول لنفسي ازاى انا اقع في خطيه زى كده وازاى انا اعمل كده ؟ ده انا مستكبر نفسي ع الخطيه مع انها طرحت كثيرين لذلك لازم اعتذر لربنا عن اي فكر واقوله سامحنى انه انا جرحت قلبك يا حبيبي يايسوع
6: حول الفكر السلبي الي فكر ايجابي : ازاى بالمعادله دي فكر سلبي +صلاه = فكر ايجابي لما يكون عندك فكر سلبي مش عارف تطلع منه زى افكار الغيره... مفيش غير الصلاه هي القادره علي التغيير من السلبى للايحابى
7: انهي فكرك : انهى الفكر نهائي انت قادر بمعونه المسيح علي ذلك
لاتنسي ان تبدا يومك بربنا