انتظرونا غدا الأحد 15 سبتمبر 2013(المسابقة الكبرى للفرح المسيحى) فى العيد الرابع للمنتدى-جوائزقيمة

[nasser]

اعلان عن مسابقة العيد الرابع للفرح المسيحى

أخوتى الأحباء كل سنة وأنتم بخير وسعادة وسلام بمناسبة العيد الرابع للفرح المسيحى
وبهذه المناسبة نقدم مسابقة كبيرة(دينية-ثقافية-علمية-كلمات متقاطعة دينية-أسئلة ذكاء-أزجال-لأقوياء الملاحظة-حزر فزر-اسم نجم عالمى كروى-حدد الطريق-من قال هذه العبارة؟-صور لبعض الخالدين والمطلوب معرفتهم أو صورة مناسبة أو مكان معين والمطلوب معرفته...وحاجات تانية أخرى)
أخوتى الأحباء فى العصور الأولى للكنيسة كان هناك مزج بين الثقافة والعلم والدين
والمسابقات والسعى الى الفوز بالمركز الأول ما هو الا رمز للجهاد الروحى
والبابا شنودة كان دايما يقولان المسابقات لون من التسلية الروحية وتنشط الذاكرة وتكون لونا من المنافسات الفكرية والمسابقات الخاصة بالكتاب المقدس لها فوائدها فهى تقدم معلومات من الكتاب وتربط المعلومات ببعضها و تنبه الى نقاط معينة من المعرفة)
ولذلك فان الهدف الرئيسى من المسابقة هى أن نتجمع معا فى روح حلوة ونستفيد كلنا(ما أحلى أن نجتمع معا...)
وهاقولكم الشروط الخاصة بالمسابقة ونظامها والأفكار الجديدة
1-عدد الأسئلة 40 سؤال
2-الجديد فى المسابقة انها هاتكون خاصة بفرق يعنى مفيش عضو هيشترك لوحده فى المسابقة
3-الفريق يتكون من(2 أعضاء)معا ويختاروا اسم للفريق(اسم قديس أو قديسة أو شفيع أو أى اسم آخر مناسب)ويتشاورا مع بعض فى الأسئلة كفريق واحد
4-لو عدد الفرق كان أقل من 5 فرق(يعنى 10 أعضاء)وأتمنى أن لا يحدث ذلك..لو عدد الفرق كان أقل من 5 فرق المسابقة هاتبقى(فى حكم الالغاء تقائيا)لأن الهدف هو التجمع والمشاركة والاستفادة فلو ده متحققش يبقى خلاص..ولكن لو الغيت هاتكون المسابقة موجودة فى المنتدى كاملة لكل الناس
5-الجوائز
هنختار المركز الأول فقط وهاتكون الجائزة للفريق الفائز(2 أعضاء) 200 جنيه كروت شحن مناصفة لكل عضو 100 جنيه كارت شحن بالاضافة الى مجموعة مكونة من 14 صورة ايطالية دينية لن تنزل قبل ذلك بالاضافة الى تذكار عليه شعار المنتدى
ولكن بشرط الحصول على العلامة الكاملة(يعنى الاجابة الصحيحة على جميع الأسئلة)
لكن لو كانت الاجابة بها بعض الأسئلة الخاطئة ممكن يسمح ببعض الأخطاء ولكن فى حدود 75% اجابات صحيحة وفى هذه الحالة المكافأة هاتقل(هاتكون 100 جنيه كروت شحن مناصفة لكل عضو 50 جنيه كارت شحن وأيضا بالاضافة الى الصور الايطالية والتذكار)
6- المسابقة هاتنزل غدا(الأحد 15 سبتمبر 2013 فى الفترة من الساعة الرابعة عصرا حتى السادسة)
7-آخر ميعاد لارسال الاجابة بعد 3 أسابيع(يعنى يوم 6 أكتوبر هايكون آخر يوم فى ارسال الاجابات)
أتمنى أخوتى الأحباء أن تشتركوا اشتراكا فعليا لكى نسطر سطرا جديدا فى تاريخ المنتدى ونستفيد ونشارك معا فى الأفراح فى العيد الرابع للفرح المسيحى وكل سنة وأنتم طيبون

[Mary Naeem]

انا فيها دي يا ناصر
نفسي اكسب مرة
وكمان 100 جنية
انا فيها لا اخفيها
هههههههههههههههههههه
كل سنة وانت طيب يا ناصر

[abraam]

كل سنة وانت طيب استاذ ناصر
فكرة ممتازة وانشاء الله احنا معاك

[kerstena]

فكرة حلوة قوي
ربنا يبارك خدمتك
انا معاكو

[Marina Mrmr]

فكرة المسابقة رووعة جداً
وياريت فعلاً الكل يشارك وناخد كدة بركة عظيمة

[Ramez5]

ميرسى كتير بجد على الفكرة الجميلة
ربنا يعوض خدمتك أضعاف أضعاف

[Marina Greiss]

وانا كمان طبعاااا معاااااااااااااااااااااااااااااكم

[nasser]

مارى
ابرام
كريستينا
مرمر
رامز
مارينا
أشكركم جدا على المشاركة الغالية وكلمات التشجيع
ومنتظر مشاركتكم الفعلية
وانت يا مارى بجد لازم تشتركى
بس هاتختارى مين معاك..أكيد أنا..علشان عندى الحل ههههههه

[بنتك انا]

مسابقة جميلة جدا
وكفاية بنك الاسئلة والاستفادة اللى ناخده ديه تبقى بركة بجد
عموما انا معاكم
على انى مش هكسب الكارت
بس هكسب حاجة تانى
بعد اذنك طبعا يااستاذ ناصر هستخدم الاسئلة فى الخدمة
فيما بعد

[بنتك يايسوع]

و انا كماااااااااااااااااااااااان معااااااااااكوا طبعااااااااااااااااااا