|
 |
 |
 |
|
|
|
رقم المشاركة : ( 1 )
25 - 05 - 2012, 05:34 PM
|
|||||||||
|
|||||||||
|
من معجزات القديس العظيم فلوباتير مرقوريوس(ابو سيفين):
يقول الدكتور ( ص . ز . ف ) طبيب أنف وأذن وحنجرة معروف للدير ويقطن خارج القاهرة : أنا حبيبى جداً الشهيد العظيم أبو سيفين فمهما كانت ظروفى أحضر خصيصاً من بلدى إلى القاهرة لحضور الاحتفال بأعياده ثم أعود فى نفس اليوم . وأسجل هذه المعجزة بالرغم من أنها ليست معجزة شفاء لأقدم الشكر لإلهنا الحنون الذى يحيطنا دائماً بمراحمه ويرسل لنا عوناً من قدسه ، فقد نجانى أنا وزوجتى وأولادى ببركة الشهيد فيلوباتير مرقوريوس من مخاطر لا أعلم مداها – الله وحده يعلم – كما منحنى بركة معرفته المعرفة الحقيقية وإليكم تفاصيل الأحداث : فى أوائل شهر مارس عام 1996 م وبالتحديد فى بداية الأسبوع الأول من الصوم الأربعينى المقدس ، بينما كنت فى عيادتى الخاصة ، حضرت سيدة مريضة مع زوجها تشكو من ألم ينتابها فى الأذن .. وقبل القيام بالكشف أنصرف زوجها .. وقد تصادف هذا اليوم على غير المعتاد خلو العيادة تماماً من الزوار ولم يكن معى أحد من الزملاء .. وهذا نادراً ما يحدث وربما كان يرجع ذلك لسبب الزيارات الرسمية التى كانت فى بلدتنا فى ذلك اليوم . بعد إجراء الكشف والانتهاء من كل ما تريده المريضة من استشارات طبية ، فوجئت بتطرقها للحديث فى موضوعات أخرى .. حاولت إنهاء الحديث لكن دون جدوى وأصبحت لا أعلم كيف أخرجها من العيادة .. حاولت الانشغال بمكالمات تليفونية ولكنها لم تتحرك من مكانها .. وأخيراً أخبرتها بأنى سأغلق العيادة لأنزل إلى المستشفى وبالكاد تحركت وانصرفت . فى اليوم التالى فوجئت بحضور زوج هذه السيدة إلى العيادة وإذ به يهددنى وهو منتهى الهياج والثورة العصبية قائلاً :" لك أن تختار أحد الأمور الثلاث لحل الموقف بينى وبينك : إما أن تحمل كفنك وتلف فى البلد لتخبر بما ارتكبته .. إما أن تترك البلد وتغادرها تماماً .. إما أن تدفع مبلغ 36 ألف جنيهاً حسب حكم كبار الأشخاص فى البلد . " طبعاً كان كل اختيار أصعب من الثانى فى إمكانية تنفيذه .. وعندما علم برفضى ، أخبرنى بأنى سأكون أول ضحية فى البلد وإنى سأجنى على كثيرين .. وكنت أعلم تماماً إمكانية تنفيذ هذا التهديد مثل ما حدث مع حالات كثيرة أعلمها بنفسى وسبق أن تمت فى بلاد مجاورة لبلدتنا .. انصرف الرجل وأنا فى حيرة لا أعلم كيف أتصرف فى مثل هذا الموقف .. مكثت ثلاثة أيام وأنا فى شدة القلق والتعب : غير قادر على الأكل ولا النوم ولو للحظة ولا أعلم كيف أخبر زوجتى بما أنا فيه .. وهنا قررت الاتصال بأحد الآباء فى الأديرة للصلاة من أجلى رغم إننا فى فترة الصوم وكل الأديرة مغلقة ، ولكنى حاولت بشتى الطرق لأن الموضوع موت أو حياة .. وأخيراً وصلت إلى هذا الأب ورويت له المشكلة ، فطمأننى وقال لى : " بنعمة ربنا الموضوع سينتهى على خير .. هو كل المشكلة أن هذا الرجل يريد منك دفع هذا المبلغ ، لكن لا تستجيب له وربنا سيتدخل لكن علينا بالصوم والصلاة .. وسأعطيك كسوة رفات الشهيد أبى سيفين وصاحب الكسوة سيتصرف بشرط أن ترجع لى الكسوة بعد حل المشكلة ." أخذت كسوة الشهيد ووضعتها فى مظروف على مكتبى فى العيادة وفى اليوم التالى حضر الرجل طرفى بنفس روح الشر التى اعتاد عليها وكان يحمل مسدساً فى جيبه .. ثم اقترب نحو مكتبى وهو يسألنى عما قررت ، فطلبت منه الجلوس أولاً ، فجلس أمامى فى الجهة الأخرى من المكتب ..وفى هذه الأثناء وضعت يدى على كسوة الشهيد لتكون بينى وبينه مع الاحتفاظ بوضع يدى فوقها .. ثم قلت له :" ماذا تريد ؟" قال :" أنا عايز المبلغ إللى أخبرتك به .. وإلا سأضربك بالمسدس حالاً ." وهنا كلمت الشهيد فى داخلى وأنا أضع يدى على كسوته وقلت له : " اتصرف يا شهيد الرب ." ثم أخبرت الرجل بأننى لن أنفذ له ما يطلبه ولن أفعل إلا ما يروق لى . وفجأة رأيت هذا الرجل الجبار يقوم ويتراجع إلى الخلف من أمام المكتب وكأنه نار تنطفئ أمامى ، وأخذ يقول لى وهو مرتعد ومضطرب : " أنا مش عارف .. أنا كنت جاى من بره وحاطط فى مخى إنى أقطع رقبتك .. لكن أنا مش عارف لما دخلت عندك ووقفت قدامك إيه إللى حصل لى .. أنا مش عارف أتكلم .." وأخذ يردد وهو فى حالة من الخوف والذعر : " أنا مش حاجى هنا تانى .. أنا مش حاجى هنا تانى .. إنت مش حتشوف وشى فى العيادة هنا تانى .. خلاص أنا ماشى ... وإللى أنت عايز تعمله إعمله .. أنا ماشى .. وماليش دعوة بك تانى .." وظل يردد هذه الكلمات وهو يتقهقر إلى الخلف حتى انصرف من العيادة .. ورأيته يجرى على سلم العيادة كأن أحداً يطارده .. ظللت انادى عليه لكى ينتظر ولكنه فر من أمامى هارباً فى حالة ذعر وهندما سعيت وراءه على السلم لأقول له انتظر حتى نتفاهم ، قال : " لا أنا مش حَ أتكلم معاك أبداً إنت تبعد عنى أنا لما بأشوفك مش عارف إيه إللى بيحصل لأعصابى " وانصرف الرجل واختفى تماماً. شكرت الله وشهيده العظيم على عمله .. وفى شدة تأثرى أخبرت زوجتى وبعض الزملاء بالموضوع ، فكانوا مندهشين لقوة نجدة هذا الفارس البطل الشجاع وصاحوا قائلين : أكسيوس أكسيوس لمحب الآب فيلوباتير مرقوريوس .. السلام لبطل غالب .. ذو حربة مشهورة طاعنة أعداء القدوس . ولايسعنى إلا أن أشكر الله الذى نجانى وأنقذ حياتى الجسدية والروحية .. فقد عرفنى الطريق إليه ، فكان لهذه التجربة فوائد روحية كثيرة وهى تمثل الجزء الثانى من المعجزة وهو الهام جداً عن كل ما سبق : كنت عامة لا أطيق فترات الصوم وكانت تمر بالنسبة لى فى المنزل وأنا فى حالة تعب سواء من ألم فى المعدة أو الأمعاء وكنت أزداد فى العصبية فى المنزل بسبب نوع الطعام المعد .. وكنت أشعر باستمرار أن الصوم هو عذاب .. فعندما تعرضت لهذا الموقف فى بداية الصوم وأخبرنى الأب الراهب بأن هذا الموضوع لا يحل إلا بالصوم والصلاة ، وافقته فى خضوع وطاعة من كل قلبى .. بدأت الصوم ولأول مرة لم ينتابنى الشعور بأى ألم بل شعرت بفرح وأن الطعام حلو جداً .. وقد صام جميع أفراد المنزل سواء أطفال أو كبار ونحن جميعاً فى سلام وفرح .. بدأت أنا وزوجتى نشترك فى الصلاة يومياً بالأجبية ، وفى مساء كل يوم أشترك أنا وأولادى فى عمل تمجيد للشهيد أبى سيفين . أشكر الله على عمله العجيب فقد انتشلنى وغير مجرى حياتى .. فتذوقت عذوبة الصوم وجمال العشرة مع الله .. ولم أنل ذلك إلا بسبب هذه التجربة التى سمح بها الله ولكنه أعطى لى معها المنفذ وأرسل معها بركات لا تحصى . 
|
|
25 - 05 - 2012, 05:36 PM
|
رقم المشاركة : ( 2 ) | |||
|
..::| مشرفة |::..
|
معجزة أخرى رائعة للشهيد العظيم ابو سيفين
من لا يتعجب من محبتك ايها المسيح شمس الافراح وينبوع العون الشيخ الروحاني اسمي موسي ابراهيم وساكن في مدينه السلام اسره صغيره تتكون مني انا ووزوجتي وابننا ماجد في يوم وانا راجع من شغلي وده كان يوم 1997/11/28 اخبرني الجيران ان ابني ماجد وكان عنده وقتها 13 سنه وهوه بيلعب مع اصحابه في المدرسه حصلت له اصابه ونقلوه لمستشفي الدمرداش روحت علي المستشفي انا ووالدته وهناك كانت الصدمه ابننا الوحيد ماجد عنده شلل نصفي وفقدان للذاكره الاطباء اجروا ليه تحاليل واشعه وخرج من المستشفي بعد 3 ايام دون اي تحسن روحنا بيه البيت وقعدنا هناك لمده يوم فقررنا انا ووالدته نروح بيه مستشفي التامين الصحي التابع لها هناك عملوله اشعه علي الصدر واشعه مقطعيه للمخ وكان طول الفتره دي فاقد للذاكره تماما لا يستطيع التعرف علي اي فرد حتي انا وامه ولا حتي اصحابه قعدنا في مستشفي التامين 7 ايام من غير اي تحسن فكتبولنا علي خروج في الفتره دي جه يزور ماجد خدام التربيه الكنسيه بكنيسه السيده العذراء ارض الجولف وقلولنا انهم حجزوا لماجد عند الدكتور عقيل يوسف فصليت انا ووالدته وجبنا زيت الشهيد ابو سيفين ودهناه بيه قبل ما يروح للدكتور روحت دير الشهيد العظيم ابو سيفين صليت هناك وطلبت من ربنا انه يتمجد مع ابني ماجد ويشفيه ببركه صلوات الشهيد العظيم ابو سيفين ورجعت البيت وكان معاياه ماء لقان وزيت للشهيد ابو سيفين كنت بدهن بيه ماجد باستمرار الاطباء قرروا ان ماجد يقعد باستمرار في غرفه مظلمه وما كانش بيقدر يتحرك خالص كتت بشيله عشان اوديه الحمام ووالدته كانت بتاكله بنفسها كان منظره بيمزق قلبي انا ووالدته ابننا الوحيد قاعد علي كرسي متحرك مشلول ومش عارفنا فاقد لذاكرته كان منظره بيمزق قلبي كاي اب بيحب ابنه وعايز يشوفه سليم بصحه كويسه مكنتش ببطل صلاه بدموع وصراخ من اجل ان الرب يمد ايده ويتحنن عليناه ويشفي ابنا الوحيد الي الدكاتره احتاروا في علاجه بس انا كان عندي ايمان ورجاء وثقه في قدره ربنا وان الغير مستطاع عند الناس مستطاع لديه لو 18 : 27 وفي يوم 1997/12/28 لما رجعت من الشغل كانت المفاجاه لقيت ابني ماجد واقف علي باب الشقه في انتظاري ويقولي يا بابا انا خفيت جريت عليه وانا فرحان حضنته كان بيتحرك وبيضحك وعارف كل واحد فيناه باسمه اتعرف علي اصحابه وخدام التربيه الكنسيه قلتله احكيلي يا ماجد ايه الي حصل ؟ قالي انا كنت نايم والغرفه كانت مظلمه لقيت صورهشخص ماسك سيفين عباره عن نور في نور وقال لي باسم رب الجنود قوم يا ماجد وافتكر كل حاجه لقيت نفسي قادر اتحرك واتكلم فقلت لماجد تعالي نعمل تمجيد شكر لربنا وتمجيد للشهيد ابو سيفين ولما جه خدام التربيه الكنسيه قدموا لماجد 3 صور واحده للقديس اباسخيرون القليني |
|||
|
|
|
25 - 05 - 2012, 05:37 PM
|
رقم المشاركة : ( 3 ) | |||
|
..::| مشرفة |::..
|
 والتانيه للشهيد مار جرجس  والثالثه للشهيد ابو سيفين  فاختار ماجد الصوره الثالثه صوره الشهيد ابو سيفين وقالنا ده الشهيد ابو سيفين الي شوفته في غرفتي شكرنا جميعا الله وشهيده ابوسيفين وروحت الدير انا وماجد عشان نسجل المعجزه لنخبر كيف عظم الرب الصنيع معنا وفرح قلوبنا اخواتي هذه المعجزه تنشر لاول مره بركة شفاعتك وصلواتك تكون معانا الى الابد يا شهيد يا عظيم آمين |
|||
|
|
|
25 - 05 - 2012, 05:40 PM
|
رقم المشاركة : ( 4 ) | |||
|
..::| مشرفة |::..
|
** ومع معجزة اخرى للشهيد العظيم ابو سيفين
صلوات المحبين تتصاعد الي السماء لهيب النار الذي لا يمكن منعه مار اسحق السرياني يا ماما شيلي ابنك ده خلاص انتهي استحاله يعيش السيده هناء موريس برسوم نحن اساسا من السودان ولكننا نقيم حاليا في كندا تعرض ابني ماثيو عند ولادته في 1993/3/15  لمشاكل كثيره فقد اضطر الاطباء الي ادخاله الحضانه لانه ولد قبل اكتمال نموه  وفي اليوم الثاني لولادته لاحظت حساسيه جلديه حول عينيه وعندما سالت الطبيب عن سببها قال انه يشك انه مرض الهربس وانه لابد انتقل الي الطفل من خلالي بالعدوي بعد الولاده .  قرر الاطباء عمل فحوص وتحاليل لي رغم اني متاكده من عدم وجود اي مرض جلدي وبالفعل اوضحت التحاليل خلوي من اي مرض جلدي .فطلبت من الطبيب ان يفحص فراش الطفل بالحضانهه لانني شككت في وجود الميكروب بها وبالفعل تبين انه تم النقل العدوي لابني عن طريق الملامسه وقرر الاطباء اعطاء الطفل مضادا حيويا في الوريد واعلمني الاطباء انه ان لم يختف المرض فذلك قد يسبب فقد البصر لابني او التهاب بالمخ نشكر الله فقد اختفي المرض ولكن بناء علي اوامر الاطباء تقرر تحويل الطفل الي "Sick children hospital "  وهناك اجريت له تحاليل اخري تبين فيها ان ماثيو يعاني من لوكيميا بالاضافه الي ان ماثيو يحمل كروموزوم زياده فالانسان العادي ليده 46 كروموزوم اما ماثيو لديه 47 " "Down syndrome "كروموزوم وهذا ممكن ان يؤدي الي الذي من اعراضه حدوث تخلف عقلي واحيانا ثقب بالقلب في ذلك الوقت اتصل بنا الطبيب امير لمعي  يحكي لنا عن الشهيد ابو سيفين ومعجزاته وارسل لنا احد اقاربه بعد اسبوعين زجاجه زيت من ديره قمت بدهن ماثيو به 3 مرات يوميا واضع منه علي رضعه الطفل خرجنا من المستشفي وصفائح الدم لدي ماثيو قليله جدا مما يؤدي الي نزيف دموي واوصانا الاطباء باجراء فحوص كل 3 شهور واخبرنا الطبيب جون دويل طبيب ماثيو المتابع له بانه من المحتمل الا يعيش ماثيو كثيرا . فظل املنا الوحيد في الله وقديسيه وتعلقت في صلواتي بالشهيد ابو سيفنين وادوام علي دهن ماثيو يوميا وذات يوم بعد ان صليت ونمت تنبهت وكان وجهي عند باب الحجره واذا بي اري شخصا وجهه منير بالرغم ان الغرفه كانت مظلمه وكانت ملامحه واضحه ولكن لم يسبق لي معرفته فخفت ووضعت الوساده علي وجهي ولكن في نفس الوقت شعرت بسلام وطمانينه تملئني فرويت لابينا رويس كاهن كنيسه مار جرجس بتورنتو ما حدث فنصحنا بضروره التوجه الي مصر وزياره دير ابو سيفين واخذ بركته كان ماثيو يبلغ شهرا ونصف ومنظره صعب جدا حيث لا يبلغ من الوزن 2 كيلو ووجهه اسود وليس براسه اي شعر ودخلنا الكنيسه وصليت امام المقصوره ودهنت الطفل بالزيت المصلي توجهت بعد ذلك لعمل تحاليل لماثيو  |
|||
|
|
|
25 - 05 - 2012, 05:41 PM
|
رقم المشاركة : ( 5 ) | |||
|
..::| مشرفة |::..
|
وكانت النتائج مذهله فكرات الدم البيضاء اصبحت 6500 ولا يوجد اي كرات بيضاءغير مكتمله اي ان الطفل سليم
لا يوجد عنده لوكيميا لم اصدق فذهبت لمعملين اخرين اكدوا نفس النتيجه حدث قبل سفرنا الي كندا اصابه ماثيو بنزله معويه حاده وقيئ واسهال مستمر فاحضرنا طبيبا وكان وجه الطفل مصفرا وحرارته مرتفعه وبعد ان فحصه قال " يا ماما شيلي ابنك . . دا خلاص انتهي . . استحاله يعيش انا مش سامع ليه نبض وضغطه مفيش . . سافري به علشان تدفنيه ظننا ان الطفل اسلم الروح فقالت اختي انتي ها تمشي ورا كلام الدكاتره وتقدي تصرخي قومي ادهني ماثيو بزيت ابو سيفين . دهنته ونزلت لعرضه علي طبيب اخر وعند وصولنا لباب العياده وجدت ماثيو وقد فتح عينيه وبدء يتحرك وعندما فحصه قال لي الطبيب " الطفل طبيعي جدا وزي الفل " فرويت له ما حدث عدنا الي كندا شاكرين الله وبركه شفاعة ابو سيفين فقد اصبح وزن ماثيو 9 كيلو توجهت بماثيو الي المستشفي وقدمته لطبيبه الدكتور جون دويل - اكبر اخصائي لامراض الدم في شمال امريكا واطلع علي تقارير ماثيو بكندا ومصر فتعجب جدا وقال " استحاله ان يشفي من اللوكيميا ولو احضرت لي نتائج عشره معامل مستحيللللل وساقوم باجراء الفحوص والتحاليل للطفل بنفسي قام الدكتور دويل باجراء الفحوص والتحاليل واكدت صحه التحاليل السابقه قال لنا " انا مش قادر اصدق . . لانه لم يحدث من قبل ان طفلا يعاني من اللوكيميا وفي خلال شهرين يشفي تماما !!!!!؟ فقلت له انت متوقع ايه !!!؟ قال " متوقع ان اللوكيميا ترجع تاني في عمر سنتين ونصف لانه احيانا الكبد يشتغل ثم يتوقف ثانيه . فكنا نجري كل ثلاث شهور التحاليل وكل مره النتائج طبيعيه واخر تحليل بتاريخ 1996/1/24 قال دكتور دويل " اهنئك ما حدث مع ابنك غير عادي لا صله له بالطب او العلاج الطبي ما حدث معجزه لقد مر علي 6 حالاات كحاله ماثيو حالتين توفيتا في شهورهما الاولي والاخرتين عند عمر سنتين ونصف والخامس يحيا ولكن باللوكيميا اما ماثيو فقد كتب له عمر جديد ونخاع العظم يشتغل بكفاءه 100% !؟ في 1997/7/16 اجرينا فحوص شامله لماثيو وسونار للكلي والكبد وتحليل الجينات ورنين مغناطيسي للمخ والنتائج سليمه وطبيعيه تماما ونشكر الله فماثيو يبلغ الان من العمر وقت تسجيل المعجزه خمس سنوات ويحيا حياه طبيعيه وجميع تحاليله طبيعيه وصار ماثيو ابنا للشهيد ابو سيفين بيقولوا مفيش شهداء مفيش قديسين العلم وبس شوفوا انتوا ابو سيفين بيقول ايه اشتغل معانا منتظرينك اخواتي هذه المعجزه تنشر لاول مره |
|||
|
|
|
25 - 05 - 2012, 05:41 PM
|
رقم المشاركة : ( 6 ) | |||
|
..::| مشرفة |::..
|
** معجزة أخرى للشهيد العظيم ابو سيفين
اعترف لك يا رب من كل قلبي عظيمه هي اعمال الرب ومشيئاته كلها محفوظه مز 110 : 1 اسمي وليم منصور عبد الملاك اقيم في اسيوط اسجل هذه المعجزه لتروا كيف امتدت الي يد الله الشافيه بشفاعه البطل ابو سيفين بعد ان كنت اتناول يوميا وانا في المستشفي 33 قرصا من الحبوب تتكرر 3 مرات يوميا و 11 حقنه في اكتوبر 2006 لاحظت ظهور شئ مستدير مثل ليمونه صغيره في جنبي اليمين ومع الوقت ظلت تكبر في الحجم ولم اهتم بها ولظروف عملي كنت اقوم بقضاء كل احتياجات المنزل يوم الجمعه وفي مره وانا راجع ومعاياه الطلبات شعرت بثقل في رجلي اليمين فا ركبت تا كسي وكنت بحك بشده في جنبي اليمين ولاحظت احمرار لمنطقه من الصره وحتي الفخذ لما زوجتي السيده نبيله وتعمل كمشرفه عمليات بالمستشفي الجامعي باسيوط رات الورم مع الاحمرار قرعت صدرها وقالت ده سرطان قلتلها لا سرطان ولا حاجه ما انا عايش اهوه لو كان سرطان كنت فضلت عايش !!!!؟ ذهبت للمستشفي الجامعي باسيوط حيث تعمل زوجتي ده كان في شهر سبتمبر وكان الزحام كتير لانها فتره امتحانات طلبه البكالوريوس عملت سونار وفحصني اربعه اطباء واحضر احدهم سرنجه 25 سم ووضعها في الورم بدون بنج وسحب منه عينه واعطي لي التقرير ولم يخبرني بشيئ فقط نصحني بالتوجه الي طبيب جراح اخذت التقرير وذهبت الي الاستاذ الدكتور علي عبد المطلب في عيادته الخاصه ولما عرف بانني زوج مدام نبيله نصحني بالرجوع ايه بعد فتره الامتحانات ذهبت الي مستشفي تابع لمطرانيه اسيوط فنصحوني بالتوجه الي مستشفي القوات المسلحه لانها ممتازه ويحق لي العلاج بها لاني موظف مدني بالقوات المسلحه ذهبت لعملي وعملت خطاب تحويل لمستشفي القوات المسلحه حضرت حقيبتي واخبرت زوجتي اني مسافر في ماموريه عشان مش تقلق عليه وتكون اعصابها هاديه وعشان تنتبه للبيت وخصوصا اننا عندنا 5 اولاد وبنت ومازالوا محتاجين لرعايه وصلت القاهره ودخلت المستشفي وقابلني طبيب برتبه عقيد ( طلب عدم ذكر اسمه ) وبعد الكشف والاطلاع علي التقرير كتب لي علي دخول للمستشفي واجري بعض التحاليل اخبرته اني مدخن قالي افعل كل ما تريد في الحقيقه اهتم بي اهتماما كبيرا واخبرني انه فقط المسئول عن علاجي واوصاني واوصي كل هيئه التمريض بعدم قيام اي طبيب باخذ عينه مني او اعطائي اي دواء بخلاف ما يقرره هو بنفسه واظبت علي العلاج لمده 15 يوم وخلاالها كان يجري لي تحاليل واشعه ولما اخبرته اني عايز ارجع بيتي قالي لاازم تروح المجمع الطبي بالمعادي وتعمل اشعه ثلاثيه الابعاد ذهبت بالفعل وانزعج الطبيب هناك وتعجب انني لا اصدر اي انين وقال لي ايه يا ابني الي عندك ده ؟؟؟؟ دي بطنك كلها متلخبطه !!!! انا مش عارف انت لسه عايش اذاي !!!؟؟؟؟؟ وحددلي استلام التقرير بتاع الاشعه بعد 3 ايام في الحقيقه اوقات كتير كنت بشعر بالالام رهيبه في البطن بس ما انكرش ان ربنا كان بيرفع عني الالم الزايد عن طاقتي استلمت الاشعه حسب الميعاد وكنت قلقان جدا من كلام الدكتور اخصائي الاشعه وانا راجع في شارع كورنيش النيل قريت يافطه لطبيب فطلعت العياده ودفعت الكشف فسالني الدكتور فين المدام فقلتله انا الي ها اكشف فرد الطبيب وقالي ليه انت مش قريت اليافطه الي بره ؟؟؟ فاجابته ب لا فاخبرني انه اخصائي نساء وولاده فبكيت ووضعت امامه الاشعه والتقارير وطلبت منه ان اعرف ما بهما بلظبط وبعد اطلاعه عليهم قام بتهدئتي ورد لي مبلغ الكشف وقالي انت كل الي عندك ورم بسيط حا يضيع بالعلاج فرجعت المستشفي تاني وقابلت الطبيب المختص بحالتي واستلم الاشعه واوصاني اكل كل ما اريد واوصي كل هيئه التمريض وليم يدخل ويخرج براحته محدش يمنعه عن حاجه في الحقيقه الشك ملي قلبي لانه من الطبيعي ان يمنع الطبيب المريض عن بعض الامور يعني بلاش تدخن الاكل ده ممنوع ومطلوب راحه لكن حدث معي العكس سمح لي بكل شيئ فقلت له من فضلك صارحني وعرفني الحاله وانا هقول لحضرتك حاجه اذا كنت انت خرجت اجيالا من الاطباء مش حتقدر تزود من عمري ثانيه ولو كنت متخرج امبارح مش ها تنقص من عمري ثانيه ربنا وحده المتحكم بالاعمار رد الدكتور وقالي ايمانك ده هو الي مخليك صامت ومحتمل وصابر انا فعلا كنت شاعر بايد ربنا محافظه عليه فلم اتعرض لارتفاع الضغط ولا انهيار وفعلا صارحني وقالي انت عندك ورم وانه سيقوم باجراء عمليه كان مسموحلي بالخروج لمده ساعتين وانا ماشي لقيت نفسي قريب من كنيسه الشهيد ابو سيفين بمصر القديمه فدخلت وقابلت ابونا برسوم فريد راعي الكنيسه وقلتله انا من الصعيد وحاليا في مستشفي القوات المسلحه وعرضت عليه صوره تقرير الاشعه فصلي لي واعطاني زجاجه ويت مصلي واخرج من جيبه صورا وقالي " دول الي حيعملوا ليك العميله " كان منها صوره للقديسين قزمان ودميان وصوره احري للشهيد العظيم ابو سيفين وراهبه ولما سالته عنها عرفت انها امنا الغاليه تماف ايريني رئيسه دير ابو سيفين ولم اكن اعرفها او رايتها من قبل قابلت كمان ابونا سوريال راعي كنيسه الانبا شنوده رئيس المتوحدين بمصر القديمه وصلي لي ومن اليوم ده بدات اخد اذن لمده ساعتين كل يوم اربعاء وجمعه واحد واخرج لحضور القداس واذا لم يذهب كان ابونا يرسل لي قربانه بركه مع خدام الكنيسه انا مكنتش اعرف مكان الدير ولا دخلته قبل كده ولا عمري سمعت عن تماف ايريني انا كنت بحب البابا كيرلس والانبا ابرام وابونا عبد المسيح المناهري فجمعت صورهم كلهم ولصقتهم علي جنبي مكان الورم وكنت ابكي بحراره ودموع اعطيت تقرير الاشعه للخادم وطلبت منه عرضي علي اي طبيب ومعرفه الحاله بالظبط فحضر لي الاخادم وقالي " يا عم وليم ما تزعلش انت عندك سرطان ضاغط علي الكبد وفتحه الشرج " ولاول مره عرفت حقيقه حالتي بالظبط كان سبق واتحدد ميعاد للعمليه بتاعتي ثلاث مرات وفي كل مره كانت بتتاجل وتتغير ميعادها وعرفت بعدها ان الاطباء خايفيين يعملوا العمليه لانهم لو لمسوا الكبد حموت ولو لمسوا فتحه الشرج يبقي لاازم الاخراج يتجمع في كيس ويتغير من وقت للتاني وفي يوم جه ثلاث او اربع دكاتره وهما بيكشفوا عليه سمعتهم يتهامسون " نسيب صاحب الحاله دي يموت بدل ما نبهدله " والتاني يقوله احنا نفتح نشوف الورم ونقفل " والثالث يقولا لالا احنا نفتح ناخد عينه من الورم ونحلله والرابع يقول لا احنا نشيل ونركب شبكه ونقفل او نسيبه لغايه ما ربنا يتولااه من الاخر ارائهم اختلفت اخيرا حددوا لي ميعاد للعمليه الاثنين 4/12/2006 يعني يوم عيد الشهيد ابو سيفين فلما حضر الطبيب استاذنته في الاتصال باحد اولادي ليكون معي فقالي " يا وليم ستخرج من العمليه وتجدني بجوارك انا واولادي وزوجتي " في يوم السبت 2/12/2006 حضر ابني شنوده من اسيوط وكنت قلقان جدا لمعرفتي بميعاد العمليه فشربت كميه كبيره جدا من السجاير وقبل النوم صليت بدموع وطلبت معونه من ربنا ومن القديسين الي حواليه وفي نصف الليل حوالي الساعه اثنين فوجئت بالمريض المقيم معي في نفس الحجره يقولي " يا عم وليم ... يا عم وليم ... " قلتله ايه في ايه فقالي ريحه بخور كنيسه عندك فقلتله انت اتجننت حتيجي منين ريحه بخور الكنيسه هنا ده تلااقيه عقب سيجاره لسه مولع بس هو فضل يؤكد ان الغرفه معبقه ريحه بخور كنيسه مش سجاير ونادي علي الحكيمه والطبيب النبطشي واكدوا فعلا ان ده ريحه بخور كنيسه وبالتالي رفض يبيت معاياه وقالهم ده وليم بيحضر عفاريت فتم تفتيش الحجره تحت السرير ووراه الواليب يمكن تكون هناك نار مولعه موضوع عليها بخور وطبعا ما لقوش حاجه قضيت بقيه الليله لوحدي كنت في كامل اليقظه وفعلا لاحظت ريحه بخور وتزداد في شدتها بعدها سمعت اصوات تسبيح وترانيم ولقيت الغرفه نورت نور فسفوري وشوفت قدامي البابا كيرلس والشهيد ابو سيفين والطبيبين قزمان ودميان وتماف ايريني واقترب مني البابا كيرلس وانا عارفه وقالي ايه ياه يا وليم انت بتشوف نفسك غالي عندنا ولا لا ؟ نام ووريني الالم فين ؟ فنمت ورفعت ملابسي فاقترب مني الشهيد ابو سيفين وتماف ايريني في زي الراهبه ولكن ملابسها بيضاء والشهيدان قزمان ودميان ووضعوا ايديهم علي مكان الالم فشعرت كان في شيئ بينغبش فرفعت راسي عشان اشوف ايه الي بيحصل فقام البابا كيرلس مغطي راسي بالملايه فا استرخيت ونمت فتحت عيني كانت السعه السادسه صباحا وانا بقولهم " انت لسه مخلصتوش ؟ فلم اجد احد بالغرفه فذهبت الي الحمام وحاولت انزع صوره الشهيد ابو سيفين وتماف ايريني الملصوقه علي جنبي كعادتي كل يوم عند الاستحمام واعيدها مره اخري ولكن بلا جدوي حاولت انزعها بالمياه ما عرفتش رجعت وجلست علي السرير وصممت اني انزع الصور باي طريقه نزعت بعضهم وفوجات بنافوره دم فدخلت الحكيمه ورات الدم فسالت عن سببه فلم اخبرها بشئ فقالتلي انا ها انادي علي الدكتور يجي يشوفك فاعطيتها مبلغ من المال وقلتلها غيري الملايات وعدم اخبار الطبيب باي شئ سبت لها الغرفه ونزلت الكافتيريا لاشرب شاي فحضرت رئيسه الحكيمات وابلغتني ان الطبيب وزميله يسالون عني بخصوص العمليه وعايزينك تمر عليهم في المكتب قبل ما تصعد غرفتك ناداني الدكتور وقالي " تعالي يا رجل يا صعيدي وريناه جنبك النهارده " وانا واقف رفعت ملابسي فوجدته بدهشه كيير ه ينادي علي زميله ويقوله " تعالي شوف دا وليم حصلت معاه كرامه ( وبحسب تعبيره كلمه كرامه تعني معجزه ) وعندما وقفت امام طبيبي العقيد المتابع لحالتي فوجئت بيه يصفعني علي وجهي ويقولي " انا مش قلتلك محدش يقرب منك او ياخد منك عينه ؟؟ مين الي اخد منك عينه ؟؟ قلتله يا دكتور محدش خد مني عينه دي حصلت معجزه قالي يعني ايه معجزه فرد زميله وقاله انا بقولك حصلت معاه كرامه فقام الطبيب واحنضضنني بفرحه شديده واحضر اربعه صناديق من البيببسي ووزعها علي الموجودين بالمستشفي وهو بيقول "دي حلاوه شفاء وليم العمليه اتلغت " اجريت في نفس اليوم الاشعات الازمه وكان التقرير " لا يوجد اثر للمرض " فضلت في المستشي بعدها اسبوع دون اخذ اي علاج وصرح لي الطبيب بالخروج وطلب مني الحضور بانتظام للمتابعه فضلت اتردد علي المستشفي كل خمسه عشر يوما لمده سته شهور وكان يجري لي خلالها اشعه تليفزيونيه وتحاليل بول وبراز وصوره دم كامله وكانت النتائج كلها سليمه تماما والاطباء في اسيوط قالوا لزوجتي وليم اتكتبله عمر جديد رجعت البيت وكان الجميع في حاله من الضحك والبكاء من شده ما غمرنا الله به من عظائم ووقفنا كلنا نمجد الله وقديسيه اشكر ربنا لاني عرفت مكان الدير لاول مره وقد اتيت اليوم 13/6/2008 لكي اسجل هذه المعجزه وكانت العمليه التي اجرتها لي السماء عباره عن ثلاث فتحات يكونون مع الصره شكل صليب وهذه الاثار الجراحيه موجوده بالفعل في الجسم وعاينها كل من سمع بالمعجزه وكذلك ابائي الكهنه في كنيسه الشهيد ابو سيفين بمصر القديمه وكل من تقابلت معه في الدير بركه وشفاعه الشهيد العظيم ابو سيفين وامنا تماف ايريني والطبيبان قزمان ودميان والبابا كيرلس مع جميعنا اجمعين يا رب مد ايدك وانزع كل مرض عن اولادك |
|||
|
|
|
25 - 05 - 2012, 05:42 PM
|
رقم المشاركة : ( 7 ) | |||
|
..::| مشرفة |::..
|
أبى سيفين والبابا كيرلس يقيما القمص ابراهيم من الموت
|
|||
|
|
|
25 - 05 - 2012, 05:43 PM
|
رقم المشاركة : ( 8 ) | |||
|
..::| مشرفة |::..
|
معجزه ابو سيفين والرئيس مبارك
|
|||
|
|
|
25 - 05 - 2012, 05:43 PM
|
رقم المشاركة : ( 9 ) | |||
|
..::| مشرفة |::..
|
** معجزة أخرى للشهيد العظيم ابو سيفين
بركة شفاعته وصلواته تكون معنا جميعا الى الأبد . آمين السيده ثناء حنا شهاد ( مصريه تعمل بدبي توجهت يوم الخميس الموافق 24/6/1996 انا وزوجي واولادنا الثلاثه يوسف ومرقس وجون بعد العمل للغذاء علي شاطئ البحر في دبي وقضاء بعض الوقت وفي الساعه الرابعه بعد تناولنا الغذاء طلب مني الاولاد القيام للسير علي الشاطئ وكان اكبرهم في الصف الثالث الابتدائي سرت معهم واذ بنا نهوي فجاه الي مكان سحيق الاعماق ولم اجد مستقرا لقدمي وسحبنا الي مناطق عميقه تحت الماء حيث تلقي السفن بمرساتها كنت احاول في البدايه ان ارفع اولادي لاعلي ولكني لم استطع بل كنت اهوي في العمق وكلما حاولت رفع راسي لانطق باسم العذراء كنت قبل ان اكمل الجمله اشعر بثقل جسمي واسقط مره اخري شعرت باختناق شديد و صار جسمي ثقيلا كاني وسط حجره عميقه من الماء وفي احدي محاولااتي للارتفاع من الماء صرخت بكل قوتي وقلت " يا عدرا " في هذه اللحظه راني ابن احد الاصدقاء فنادي علي زوجي قائلا " الحق طنط ثناء بتغرق " رانا زوجي فصرخ الي احد اصدقاؤه وقال " الحقوني دي الاسره كلها بتغرق "!!!؟ وقفز مسرعا الي الماء وهو لا يجيد السباحه . اما ذلك الصديق فاسرع الي طلب الاسعاف بينما قفز ابنه جورج الي البحر لمحاوله رفعي الي الاعلي ولكنه لم يتمكن من ذلك لانه لم يعد لدي من القوه والاعصاب ما يكفي لكي ارفع نفسي وفيما انا خائره القوي تذكرت كتاب سيره الشهيد ابو سيفين وما به من معجزات فطلبت معونه الرب وقلت يا رب انا في حاجه دلوقتي الي معجزه وفجاه رايت امامي سحابه مثل القطن الابيض وشعرت وكان شخصا يرفعنا ويطرحنا علي الشاطئ انا وجورج الذي نزل لانقاذي وكاد يغرق خرجت وكنت اصرخ " اولادي . . . . . اولادي " فوجدت الناس حولي يطمانوني اولادك بجوارك اهدئي فظللت اصرخ واقول " مين الي انقذنا !!؟ هي الست العدرا بعتت مين !!؟ مين الي انقذنا !!!؟ نظرت حولي فوجدت عددا كبيرا من الناس والضباط وسمعتهم يقولون في تعجب " يا رب دي الست الي كانت بتغرق وبتموت خرجت سليمه وزوجها الي نزل لانقاذها هو الي بيغرق دلوقتي . . وكان الجميع يتعجبون من كيفيه خروجي سالمه انا واولادي اما زوجي فقد تم انقاذه وحمله الاسعاف بسرعه الي مستشفي الشيخ راشد في الخليج ونشكر الله فقد خرج منها معافي وشهد الجميع بان ما حدث لنا هو معجزه وقفت مكاني وانا اشكر الله لانقاذه لنا ولكني كنت اسال كل من حولي عن الذي حملنا واخرجنا الي الشاطئ لقد شعرت بيد تحملني لكني لم اري احدا رجعنا في نفس اليوم الي المنزل وبعد ان استحم الاولاد فتحت الدولاب واخذت زجاجه زيت مصلي علي انها للشهيد مار مينا لدهن الاولاد به قبل ان يناموا وكنت اصلي واطلب من الرب في داخلي ان يعرفني من الذي قام بانقاذنا وبعد دهن الاولاد وزوجي بالزيت المصلي وانا اقول لهم ده زيت مار مينا واذ بي انظر الي الزجاجه واجد انها للشهيد ابو سيفين لان الزجاجتين كانتا بجوار بعضهما في الدولاب فقلت " بسم الصليب هو انت يا شهيد الرب ده انا فعلا افتكرت كتابك ومعجزاتك وانا تحت الماء وبعدها علي طول لقيت الي شالني وطلعني بقي انا استاهل محبتك دي "!!!؟ ثم وضعت الزجاجه بجواري علي الدولاب ونمت حتي الصباح وفي اليوم التالي اتصلت بالكنيسه ورويت لهم ما حدث وفرح الجميع وقررت نزولي مصر وزياره الشهيد ابي سيفين في ديره لتسجيل المعجزه لقد امتدت يد الله لانقاذ حياتي انا واولادي فقد لمسنا جميعا اعجوبه عظيمه لا انساها ببركه الشهيد ابي سيفين الذي اسرع لانقاذنا من موت محقق وللالهنا كل المجد آمين |
|||
|
|
|
25 - 05 - 2012, 05:43 PM
|
رقم المشاركة : ( 10 ) | |||
|
..::| مشرفة |::..
|
** وتتوالى معجزات شهيد رب المجد ابو سيفين
أكسيوس....أكسيوس....أكسيوس فيلوباتير مرقوريوس كتب بواسطة john يا حبيبي يا ابو سيفين انا مش عارفة اشكرك ازاي بجد يا جماعة ابو سيفين شفاعتة جامدة اوى صدقوني بجد وعن تجربة حقيقية وحصلت معايا انا بابا كان محجوز ف المستشفي ف العناية المركزة عشان جاتلة ذبحة وقصور ف الشريان التاجي واتحجز ف المستشفي وانا كان نفسي اشوفة اول حاجة عملها معايا ابو سيفين اني لما جبيت اروح ازور بابا ف المستشفي وانا معرفش الطريق من محطة المترو لحد المستشفي و مكنتش عاوزة اتعب ماما تيجي تيجبني لانها كانت بتقولي اد اية الطريق صعب ومتعب اليوم دة انا قررت اروح لواحدي واطلب شفاعة ابو سيفين عشان يوصلني بالسلامة لانة كان يوم عشية عيد ابو سيفين وصدقوني انا كنت معرفش حتي اسم المستشفي انا كل اللي اعرف انها مستشفي تبع القوات المسلحة تبع شغل بابا ومعرفش اكتر من انها قريبة من سينما فاتن حمامة وانا اصلا اول مرة اسمع عنها واليوم دة كان كل ما اسال حد يدلني لحد ما وصلت للمستشفي وانا كنت خايفة ادخل لاني شوفت عساكر وخفت عشان كنت لواحدي قلت يا ابو سيفين هتسيبني ببص لقيت ناس كتير جاين لزيارة مريض مع بابا ف العناية المركزة وقالولي متخفيش واطلعي معانا اليوم دة وانا ف المستشفي عرفت من الدكتور ان بابا حالتة غير مستقرة وانة هيعد ع الاقل يوم ف العناية وكنت مضايقة اوى وانا مروحة انا وماما قلتلها النهاردة عشية عيد ا ابو سيفين وادام الدير جنب المستشفي بالصدفة عرفنا كدة قلتلها تعالي نزور ونصلي وصدقوني كانت المعجزة ان تاني يوم بابا نقلوه من العناية المركزة وحطوه ف اوضة عدية وتاني يوم خرج من المستشفي واهو النهاردة ف البيت والحمد للة انا مش عارفة اشكرك ازاي يا ابو سيفين يا حبيبي |
|||
|
|
 |
|
العرض المتطور