تعرف انك كل يوم بتعلمنى حاجات كتير
بس النهارده كان يوم مختلف عن ايامى اللى فاتت
مش عارفه اقولك ايه
بس كل اللى اقدر اقوله واقدر عليه
انى مش قادره اوصفلك انت واحشنى اد ايه
بجد واحشنى اوى ...
انا حاسه انى بقالى كتير مش كلمتك
اول مره احس انى بجد فهمت مشيئتك
بجد عاوزة اشكرك ومش عارفه ازاى
انت علمتنى حاجات كتير اوى النهارده
بحبك يا يسوع اووووووووووى
انا مش محتاجه لحد
انا محتجالك انت
عاوزاك انت
مش عاوزة حد تانى
عاوزاك جمبى تملك قلبى وروحى وعمرى
انا مليش غيرك
اوعى تحوجنى لحد غيرك
انت ابويا واخويا وكل اهلى وناسى وحبايبى
بجد اتعلمت منك كتير
انت قولت كنت مريض فزرتمونى
وفعلا يارب اد ايه انا حسيت انك كنت معانا النهارده
وحاضر وسطينا بتعلمنا وبتفرحنا وبتفهمنا
بجد يارب انا بشكرك على اليوم ده من كل قلبى
وهرجع واقولك
يااااااااااااه ده انت كنت واحشنى اوى
اشكرك يا ابويا
بحبك اووووووووووووى
بجد من الحاجات اللى اتعلمتها فى يومى النهارده
*ربى يسوع بقوتك قوينى
وبفضل غناك اغنينى
ولا تحوجنى لغيرك
ليس لي ســــواك
* مهما تكون مشيئتك عمرى ما هرفضها
ولو رفضتها اوعى تسبنى كده ارفضها
خليك جمبى وامسك بيدى واعد جمبى يالا وفهمنى
اوعى تسبنى ارفض مشيئتك
