المغير للمعارضة: "أظن الرسالة وصلت"

[Mary Naeem]

المغير للمعارضة: "أظن الرسالة وصلت"

علق أحمد المغير، الناشط الإخواني ، على مليونية الإخوان بالأمس ، قائلا أنه كان هناك رسائل المخفية في مليونية الشرعية، متسائلا:
" حد سمع إمبارح عن قطع أي طريق سفر؟سواء كانت طرق الصعيد للقاهرة صحراوية وزراعية أو طرق محافظات الدلتا وإسكندرية للقاهرة سواء كانت زراعية أو صحراوية؟ إمبارح قام الإخوان والتيار الإسلامي بأكبر عملية تأمين شعبي منذ أيام لجان الثورة الشعبية شارك فيها آلاف المواطنين لتأمين طرق مصر السريعة من إسكندرية حتى أسوان .
وأضاف، عبر صفحته على الفيس بوك ، قائلا: " الرسالة من ده انه محدش يراهن على الفوضى لإننا قادرين على التأمين زي ما إحنا قادرين على الحشد زي ما إحنا قادرين على الحكم، وتحديدا الضباط السذج اللي فاكرين إنهم هيرجعوا فساد وقهر نظام مبارك على المصريين واللي على طول عينهم مفتحة زي الصقر على التيار الإسلامي ونايمة نوم العوافي على مليشيات تمرد والحزب الوطني الإرهابية".
واستطرد: "إمبارح أظن وصلتلهم رسالة واضحة ومختصرة في إسكندرية وأنا متأكد إنهم وصلوها لأسيادهم خلاص، موضحا: "الرسالة من ده انك هتعيش زيك زي باقي المصريين باحترام وبالقانون هتتشال على الراس من فوق وهترجعلك هيبتك ومقامك، مصمم على الفساد والقهر والإرهاب يبقى إلبس يا حلو، اللي حصل أيام مبارك مش هيتكرر تاني حتى لو على جثثنا".
وتابع : "عكس الرسالة اللي فاتت الرسالة المرة دي كانت من ضباط الشرطة ومستشاري القضاء الشرفاء اللي حرصوا على توصيل رسالة واضحة ليا أمس في مقابلتي مع مجموعة منهم إنهم مع الشرعية، ومستغربوش...زي ما فيه ضباط شرطة وقضاة فاسدين هيشاركوا مع مليشيات تمرد الإرهابية كان فيه إمبارح في المليونية ضباط شرطة وقضاة شرفاء حرصوا على المشاركة وتوصيل صوتهم ، موضحا أنه الرسالة من ده انه كل مكان ومؤسسة في مصر فيها بذرة خير والشعب المصري رغم محاولات تدمير أخلاقه وعقيدته على مدار 60 سنة إلا أنها لم تفلح والخير في مصر لا بد إنه هازم للشر في النهاية .

الوفد