بمناسبة عيد الام ( ماذا افعل لامى)

[Mary Naeem]

بمناسبة عيد الام ( ماذا افعل لامى)

باسم الاب و الابن و الروح القدس الالة الواحد امين


دائما ما ارتبطت المناسبات بشكل عام سواء كانت مسيحية ( عيد القيامة عيد الميلاد مناسبات كا الغطاس و الزعف و اعياد العذراء ) او اعياد عامة ( كالحب و عيــد الام) باشياء كالهدايا او الاكلات او المراسم

نيجى فى عيد القيامة مثلا بعد 55 يوم صيام نجيب لحمة نفضل ناكل لحمة الواحد يجيب لحمة من كل حتة

عيد الميلاد( انا بقى هحتفل لازم اجيب الشجرة و بما انى مسيحى متنساااش المغارة لازم المغارة علشان محدش يقول حاجة

يعنى هى امثلة كدة لعادات هى كويسة و حلوة لكن بتكون مركزة و بنخرج بيها عن المعنى الحقيقى للحدث او الاحتفال
و اكيد ربنا مش عاوز دة منى و مش دة بيكون الهدف
و طبعا راحت كل المعانى الروحية و العقائدية


عاوز طبعا انهاردة اكلمكم عن عيد الام 21 مارس من كل سنة طبعا الهدية متنساش الهدية لمامتك دة مهم و شعور كويس و تقدير ليها انك فاكرها فى اليوم دة بــســــســـســــســــس هل ماما مستنية منى كل دة ووقفة على الهدية طب و باقى السنة خلاص هو يوم لا ماما.....ماما محتاجة منى اربع حاجات مهمين اوى عاوز اتكلم عنهم و نشرح كل حاجة منهم .

باختصار شديد

عندى ثلاثة ت و واحدة ص

1- تقدير
2- تشجيع
3- تطويل بال
4- صلاة

اولا تقدير :

انا بقدر ماما بقدر هى بتتعب علشانى قد اية او تعبت علشانى قد اية لازم انا اكون مقدر لهذا مقدر باحساسى بقيمة عملها معايا ممكن يكون التقدير دة بالكلام انا بعبر لماما عن احساسى بتعبها ( لما الرسام بيفضل مثلا يرسم رسمة يفضل فيها شهور لما ينتهى منها بيفضل يبصلها يشوف انتاجة يبعد بعيد و يبص عليها لو حلوة بيبقا فرحان ) الام برضو انت انتاجها بس هى مش هيفرق معاها رد الفعل بتاعك (اللى هو الرسمة) هى هتفضل تحبك طول العمر و تتعب علشانك مهما كنت انت يبقى تستاهل تقدير منك قدر ماما كويس و الاهم تحسسها بالتقدير ( تعالى مثلا فى يوم قولها انا عاوز اكون حاجة كبيرة علشان انتى تكونى مبسوطة منى انا عاوز اعمل كذا و كذا تقدير ليكى فى ناس بتكون خجولة انها تتكلم مع ماما فى حد بيقدى 14 ساعة قدام الكمبيوتر لدرجة انو مش عارف يكلمها مبقاش عارف يقولها اية تخيلو ممكن يقولها اية كدة تخيلو انتو لو هنفكر نقول اية
على فكرة هو كلام صعب اوى بس تعالو نحاول كدة نقولو

1 - صباح الخير ياماما ( بدل من الفطار فين انا جعـــــاااااااااان
2 - ماما عاوزة حاجة محتاجة حاجة ( بدل من انا نازل سلام انت كنت بتقولها اصلا

قد اية كلام سهل مش محتاج ترتيب

انت عارف ان ماما دى اكتر واحدة بتتندة فى البيت ماما ماما ماما دايما اول لما تخش البيت تسال عليها لازم ممكن و انت قاعد تقول ماما و متكنش عاوز حاجة

ياريت نقدر الام بشكل كبير و بكرر يكون باحساسى بعملها معايا
__________________________


ثانيا تشجيع :

مشهد 1

الام داخلة ماسكة السندويتشات او كوباية مياة او جايبالك حاجة
و انت طبعا بتزلط اية و لا اجدع اكيل باسم الصليب الاكل نازل خايفين على الاطباق منك
بتشكر ماما على وقفتها طول النهار علشان تعمل لحضرتك الاكل و تحضرو انت عارف انها بتنقى كل حاجة و بتنظف كل حاجة بعناية فائقة لانك غالى عندها لانك عندك كرامة عندها كبيرة اوى بتفكر حتى تقول اللة اكلك جميل تشجعها تديها احساس انها متعبتش او تعبها دة انت حاسس بية و سعيد بطعم الاكل فهى هتكون مش فارق معاها التعب
ياااااااااااااااااة قد اية انا مقصر بشكل مؤلم
مع ان هى برضو مش مستنية هتفضل تحبك بلا شروط

شوف هى بتشجعك قد اية لما بتفشل او بتسقط او بتشيل مادة بتقولك انت كويس و متزعلش و تدعيلك و تشجعك و تقولك لسة فى فرصة بتديك روح النجاح جواك بكلام تشجيع ياريت انت كمان تشجعها بكلام يقويها.

________________________


ثالثا تطويل بال :

كتير من الناس يقولك انا خلقى ديق معنديش تفاهم مش بطيق الكلام الكتير ممكن يكون معذور معلش الدنيا فيها مصاعب اعصابة مشدودة لكن تعالى نشوف كدة الام طولت بالها عليك قد اية فكر كدة مثلا لو عملت حاجة تزعلها ممكن تنتهرك و جواها مسمحاك و بعدها تقول معلش و تسامحك ممكن فى نفس اليوم و تطول بالها عليك متجيش انت مش طايق كلمة منها لما مثلا تقولك ذاكر انا عايزة اشوفك حاجة كويسة انت مش طايق الكلام تقولها خلاص بقى يا ماما انا عارف بعمل اية و تروح تسقط تقولك معلش حبيبى هتعدى و تطول هى بالها عليك تقول لبابا معلش السنادى راحت السنة الجاية ينجح و انت مثلا تقولك كفاية قعدة على الكمبيوتر تزعق و تقول اوف طيب و هى اصلا خايفة عليك عاوزاك تاكل تريح عينك جسمك حاول تتطول بالك على ماما اسمعلها و قولها حاضر هعمل اللى فى وسعى خلى بالك معاها طويل و متتعصبش عليها و متزعقش و متنفخش و متقولش سبينى فى حالى و تنفر منها طول بالك تطويل البال هيخليها و خليك مرتاح راضى عن نفسك و هى راضية عليك

______________________

رابعا و اخيرا الصلاة :

عاوز تنجح و قلقان بتصلى لربنا انو يكون معاك
عندك انترفيو لشغل تفضل تصلى يارب قف معايا و خلينى اقبل
جربت مرة تصلى لماما ان ربنا يخليهالك صليت انى ربنا يقويها على خدمة البيت ربنا يملئها صبر و هدوء لادارة البيت صليت ربنا يهدى سر ماما و بابا يكونو سعداء جربت مرة لو ماما و بابا متخانقين انك تصلى لربنا تدخل حجرتك و تقفل الباب و تصلى تقول يا رب خلص المشكلة دى لا دنت اول لما تحصل الخناقة تروح قايل ازاى يا بابا دنت عملت و عملت او يا ماما دنت قولت وقولت و طبعا نار يا جبيبى ناااااااااار حاول تصلى للبيت لماما و بابا دايما فى صلاتك ربنا يعينهم على الحياة
مكسوف تشجع مكسوف تقدر مش عارف تتطول بال لكن لازم تصلى ليهم و تدعيلهم زى ما ماما بتدعيلك طوووول الوقت ...

[Hany Meshel]

مشاركة اكتر من رائعة
يا مارى

[Mary Naeem]

شكرا على المرور