البداية زلطة قاعدة وحزينه بتعيط ليه ؟
عارفين بتعيط ليه عشان فاكره انها مالهاش قيمة وخليكوا فاكرين ( فاكرة انها ملهاش قيمة ) مجرد زلطة مرميه ووسط اخواتها مداسه من الناس اللي رايحة وجايه وهي بحالها مش راضيه ونفسها تكون مش هي وفجاة سمعت زيطة وزملبليطة وناس بتجري خايفة قالت في ايه ما الجو كان هادي وميه ميه وفجاة سمعت جبار بيقول هو في حد يقدر يقف قصادي انا جليات الجبار اللي لافي قبلي ولا بعدي وبضربه سيف مني اهزم شعوب ومالك واهد جبال ها في حد يقدر يقف قصادي منك يا شعب اسرائيل واستنت الزلطة الرد استنت شويه وشويات والرد لسه مجاش وهي مستنيه وصابره واخير جه الرد واحد طوله من طول جليات مش يبان م الارض بس مع انه ضعيف وجسمه يادوب ع القد رد رد انها هو الرد انا انا ياجليات اقدر اقف قصادك وهنا بص جليات لقي سيف ودرع واقفين من غير حد لا استنوا ده في حد بس موجود اه مش باين بس ه عالي وفي قلبه شجاعة بجد وضحك جليات تاني وقاله انت تتحداني وهنا بطلنا الصغير رمي السيف والدرع بعيد عنه وقاله انا مش جايلك بسيوف ولا خايف من حتي شوف انا صغير اه بس عمري ما عرفت الخوف وده كله بايماني برب الالوف قام قاله جليات وريني وفجاة والزلطة بتاعتنا اوعوا تكونوا نسيتوها لقيت ايد مسكتها وبسرعة جوه النبله حطيتها وعلي طول في الهواء لفتها وزو زو زو زو طيرتها وفراس جليات ضربتها وهوب سكوت مالوش زي ده الجبار وقع والكل ازبهل وبطلنا الصغير بقي بطل بجد والخبر انتشر زي البرق جليات انهزم ودواد جدد الامل هو انا مقولتش ان بطلنا اسم داود احنا كنا سايبين الزلطة زعلانه وبتعيط رجعنا لقينا الحال غير الحال وسبحانه هو مغير الاحوال وسالنا يازلطة مالك ايه اللي غير الاحوال قالت خلاص بقالي قيمة وفي الحياة ليا اعمال قلنا ده داود اللي اتشال علي الاكتاف وانتي ولا سمع عنك العيال قالت مش مهم السمع المهم اني بقيت قدام نفسي ليا قيمة .
يا ريت كلنا نتعلم من القصة دواود والزلطة زي كتير مننا فاكرين ( صحيح انتو فاكرين الكلمه ولا ناسين ) الموضوع كله فكرة في دماغنا احنا وبس ونسيينا ان ربنا ليه خطة وسبب لخلق كل واحد فينا وقالنا في الانجيل لا يستهن احد بحداثتك يا جماعة عايزين نشيل فكرة ان احنا ملناش لازمة ديه من دماعنا لكل شئ تحت السماء وقت
انا عارفه اني مش بعرف اتكلم كويس بس يا ريت اكون وصلت المعلومة كويس
