سيد الوقت.. اللي بيقلب الموازين في ثانية! 🔥

[لمسة يسوع]

سيد الوقت.. اللي بيقلب الموازين في ثانية! 🔥
​عارف يعني إيه "يُغَيِّرُ الأَوْقَاتَ وَالأَزْمِنَةَ"؟
(دانيال ٢: ٢١)

​يعني ببساطة، القفل اللي مصدي على بابك، والوقت اللي واقف مبيتحركش، والسنين اللي "أكلها الجراد" في عمرك.. كل ده ممكن يتنسف في "لحظة" بأمر من صاحب الزمن! ⏳✨

​شوف الزمن لما بيتغير بيعمل إيه:
​من زمن "العُقر" لزمن "الضحك": سارة فضلت سنين في زمن مقفول، لكن لما جه وقت ربنا، الكتاب بيقول: "فَقَالَ: إِنِّي أَرْجِعُ إِلَيْكَ نَحْوَ زَمَانِ الْحَيَاةِ وَيَكُونُ لِسَارَةَ امْرَأَتِكَ ابْنٌ"
(تكوين ١٨: ١٠)
وفجأة، المستحيل بقى طفل بين إيديها!

​من زمن "السجن" لزمن "القصر"
يوسف كان في زمن الضلمة والنسيان، لكن في لحظة غير الله زمنه:
"أَرْسَلَ الْمَلِكُ فَحَلَّهُ. أَرْسَلَ سُلْطَانُ الشَّعْبِ فَأَطْلَقَهُ. أَقَامَهُ سَيِّدًا عَلَى بَيْتِهِ"
(مزمور ١٠٥: ٢٠-٢١)
في يوم واحد اتفك سجن السنين!

​عشان كدة لازم تطمن؟
​وعد العوض: "وَأُعَوِّضُ لَكُمْ عَنِ السِّنِينَ الَّتِي أَكَلَهَا الْجَرَادُ" (يوئيل ٢: ٢٥)

هو قادر يرجع لك كل اللي فات في لحظة واحدة.
​ي قول كدة
"أَنَا الرَّبُّ فِي وَقْتِهِ أُسْرِعُ بِهِ
(إشعياء ٦٠: ٢٢)
لما وقته ييجي، مفيش قوة في الأرض تقدر توقف التغيير.

وفي ​وعد التدبير بيقولنا في سفر
(إرميا ٢٩: ١١)
"لأَنِّي عَرَفْتُ الأَفْكَارَ الَّتِي أَنَا مُفْتَكِرٌ بِهَا عَنْكُمْ، يَقُولُ الرَّبُّ، أَفْكَارَ سَلاَمٍ لاَ شَرٍّ، لأُعْطِيَكُمْ آخِرَةً وَرَجَاءً".

​الخلاصة يا صديقي:
لو حاسس إن الأبواب مقفولة والزمن مش شغال معاك، افتكر إن الله "صَنَعَ كُلَّ شَيْءٍ حَسَنًا فِي وَقْتِهِ" (جامعة ٣: ١١)

​مطلوب منك ٣ حاجات بس:
​تصدق: إن إلهك مش مقيد بالظروف.
​تستقبل: التغيير بقلب واثق.
​تتحرك: أول ما عقرب الساعة يتحرك.
​مستني إيه؟
قوله النهاردة:
"يا رب، لو الزمن جاهز وأنا اللي مش جاهز.. غير فيّا أنا، وانقلني لزمن الاستخدام والنجاح."

[Mary Naeem]

مشاركة جميلة جدا
ربنا يبارك حياتك