إعلان هام🎤

[walaa farouk]

إعلان هام🎤
بنعلن عن تدريب "خدامين"....
لو عايز تشتغل "خدام" من فضلك اشترك معانا 👌

أيوة إنت قريتها صح خدام مش خادم ولا قائد!
تفتكر ممكن ده يبقى إعلان شيق لصفحتنا؟
ممكن يكون إعلان شيق لأي مؤتمر عن الخدمة أو القيادة

القديس يوحنا يسرد المشهد دي ويقول كدة:
"يَسوعُ وهو عالِمٌ أنَّ الآبَ قد دَفَعَ كُلَّ شَيءٍ إلَى يَدَيهِ،
وأنَّهُ مِنْ عِندِ اللهِ خرجَ، وإلَى اللهِ يَمضي، قامَ عن العَشاءِ،
وخَلَعَ ثيابَهُ، وأخَذَ مِنشَفَةً واتَّزَرَ بها، ثُمَّ صَبَّ ماءً في مِغسَلٍ،
وابتَدأَ يَغسِلُ أرجُلَ التلاميذِ ويَمسَحُها بالمِنشَفَةِ الّتي كانَ مُتَّزِرًا بها." (يو 13: 1-3)

المسيح هنا عمل فعل مش خادم عادي لكن فعل الخادم العبد
اللي هو أقل مستوى من العبيد وقالهم كدة بالحرف:
"أنتُمْ تدعونَني مُعَلِّمًا وسَيِّدًا، وحَسَنًا تقولونَ، لأنّي أنا كذلكَ
. فإنْ كُنتُ وأنا السَّيِّدُ والمُعَلِّمُ قد غَسَلتُ أرجُلكُمْ،
فأنتُمْ يَجِبُ علَيكُمْ أنْ يَغسِلَ بَعضُكُمْ أرجُلَ بَعضٍ" (يو 13: 13-14)

{فأنتم يجب عليكم}
📌الجملة دي المفروض نبروزها ونفكر فيها طول الوقت...
المفروض ندور على أيه!

في كلمتين في اليوناني معانهم خدام: الأولانية diakonos" "دياكونوس"
ودي الخادم اللي بيقوم بدور أو أجير وبيكون في مكانة معقولة..
وفي كلمة تانية بتعني doulos "دولوس" ودي اللي بتعني "عبد" حرفيا
ودي أدنى الدرجات وملاهوش أي حقوق لانه أصلا مدفوع تمنه هو نفسه
مش مدفوع تمن وقته أو شغله. هو نفسه متباع!

المسيح لما طلبنا نخدم بعض تخيل معايّ ماستخدمش التعبير الأولاني لكن استخدم التاني!
أقراها كدة معايّ، في متى ٢٠ فَدَعَاهُمْ يَسُوعُ وَقَالَ:
«أَنْتُمْ تَعْلَمُونَ أَنَّ رُؤَسَاءَ الأُمَمِ يَسُودُونَهُمْ، وَالْعُظَمَاءَ يَتَسَلَّطُونَ عَلَيْهِمْ.
فَلاَ يَكُونُ هكَذَا فِيكُمْ. بَلْ مَنْ أَرَادَ أَنْ يَكُونَ فِيكُمْ عَظِيمًا فَلْيَكُنْ لَكُمْ خَادِمًاdiakonoss
وَمَنْ أَرَادَ أَنْ يَكُونَ فِيكُمْ أَوَّلاً فَلْيَكُنْ لَكُمْ عَبْدًا doulos، doulos
كَمَا أَنَّ ابْنَ الإِنْسَانِ لَمْ يَأْتِ لِيُخْدَمَ بَلْ لِيَخْدِمَ،
وَلِيَبْذِلَ نَفْسَهُ فِدْيَةً عَنْ كَثِيرِينَ» (مت 20: 25- 28)

درجتين هنا قالهم أقراها تاني كدة لو عايز تبقى بتخدم الناس خليك خدام "دياكونس"
لكن لو عايز تبقى الأول يعني {قائد} زي ما قلنا في البوست اللي فات خليك ليهم عبد!

الحقيقة مرة كمان كلمات صعبة وشبه مستحيلة وطبيعي تتهاجم
. لأنها عكس كل اللي بيسوق ليه العالم لينا..
وعشان كدة بقينا كنيسة مباني وحجارة ونظام وقادة😶
مش حجارة_حية