انا داخله انام

[روشا الفرفوشه]

انا داخله انام

بص بقى
عارفه انك هتسهر عليا وتحرسنى بنفسك
بس ده مش كفايه
اة بنتك وبتدلع عليك
لو مكنتش ادلع عليك انت يعنى هدلع على مين

بص بقى
مش عاوزة اعيط زى كل ليله وانام دموعى على خدى
النهارده بقى تعمل حاجه ابعتلى سلام واطمئنان
تعالى طبطب عليا قبل ما انام
المهم انا مش انام معيطه

كمان عاوزة انام نوم طبيعى
يعنى مش انام كتير واهرب من الدنيا
ولا انام قليل بسبب انى بفكر فى مشاكلى
انت رب المستحيل وفى نفس الوقت ابويا
ومش هطلب الا منك

كمان بقى
عاوزة اصحى الصبح
والاقى حاجه تفرحنى
حتى ولو حاجه صغنونه
المهم عاوزة افرح
حتى لو حبه صغيرين

بس كده
مش هكتر عليك النهارده
ما انت عارفنى لو فتحت فى الطلبات مش هقفل
ان عارفه انك مش بتنام ولا عنيك بتغفل
وديما سهران تحرسنا وعاوز راحتنا

وبطلب منك طلبااااااااات كتيره
عشان انا مش ليا غيرك
ومش بتعشم فى حد غيرك


يالا بقى تصبح على خير يا بابا يسوع يا حبيبى

[Mary Naeem]

شكرا يا رشا
انا داخله انام