يسوع عنده حل العقد

[walaa farouk]

كتير أمور العالم بتبقى شبه الحبل ده ..
متعقد ومتشابك ومتداخل ..
ومش عارفين له بداية من نهاية ولا عارفين نلاقي له حلول ..
ويمكن محاولاتنا في حل العقدة بتعقدها أكتر ..
مشهد محبط وبيحطنا في مواجهة صريحة مع حقيقة ضعفنا البشري
وعدم قدرتنا على التعامل مع كل الأمور اللي بتقابلنا ..
فلو الأيام اللي بتمر بيها دلوقتي شبه الحالة دي .. أشجعك ترفع عينيك ليسوع
.. ارفعها برجاء وبثقة انه عنده حل العقدة ..
عارف بداية الخيط من نهايته وعارف يفك اي اشتباك ويفض اي معركة ..
وكل ما العالم يتعبك افتكر انه قال ان العالم هايتعبك ..
ماخباش عليك .. لكن قال كمان انه غلب العالم!
"قَدْ كَلَّمْتُكُمْ بِهذَا لِيَكُونَ لَكُمْ فِيَّ سَلاَمٌ. فِي الْعَالَمِ سَيَكُونُ لَكُمْ ضِيقٌ،
وَلكِنْ ثِقُوا: أَنَا قَدْ غَلَبْتُ الْعَالَمَ»." (يو 16: 33)