يوحنا المعمدان كان محبوب من الشعب لكنه مرفوض من القادة

[walaa farouk]

يوحنا_المعمدان
ليه يوحنا المعمدان كان محبوب من الشعب لكنه مرفوض من القادة؟
يوحنا شخصية مميزة جدًا في الكتاب المقدس..
لأنه قدر يكسب حب الناس البسطاء
وفي نفس الوقت واجه رفض وعداء كبير من القادة الدينيين والسياسيين..ودة بيرجع لأسباب كتيرة..

أولًا: ليه الناس حبوه؟
1- يوحنا عاش حياة متواضعة جدًا..لبسه كان من وبر الجمال
..وأكله جراد وعسل بري..
ده خلاه قريب من الناس البسيطة اللي شافوا فيه شخص عايش بعيد عن الترف والرياء اللي كانوا بيشوفوه في القادة..

2- يوحنا كان بيقول الحق من غير مجاملة..كان صوته صوت النبوة اللي الناس حسوا إنه بيفتح باب جديد للتوبة والخلاص..وده إدالهم أمل..

3- الناس شافوا في يوحنا نبي حقيقي مرسل من الله..
كلماته كانت فيها قوة مش مستمدة من منصب أو مكانة..لكن من دعوته الإلهية..

ثانيًا: ليه القادة رفضوه؟
1- يوحنا مكنش بيسكت على الغلط.
.وكان بيواجه القادة الدينيين ويكشف فسادهم ونفاقهم..
وصفهم بـ"أولاد الأفاعي" فى (متى 3 : 7)..
وده خلاهم يكرهوه لأنه فضح زيفهم قدام الناس..

2- كلام يوحنا عن التوبة الحقيقية وضرورة تغيير القلوب
كان بيهدد سيطرتهم على الشعب..
الناس بدأت تشوف إن العلاقة مع الله مش محتاجة وسيط فاسد.
.وده خلّى القادة يحسوا بالخطر..

3- يوحنا كان بيخدم بعيد عن المؤسسة الدينية الرسمية
..خدمته الحرة دي كانت سبب في إن القادة ما يقدروش يتحكموا فيه..وده زوّد رفضهم ليه..

4- يوحنا ما كانش بيخاف يواجه أي حد.
.حتى الملك هيرودس نفسه..انتقد زواجه من هيروديا..
موقف زي ده خلاه يخسر دعم القادة السياسيين كمان.
.لأنه قال الحق مهما كان الثمن..