محتاج تفتح عينك وتشوف

[walaa farouk]

أوقات بنفتكر إن الرزق هو بس الفلوس اللي في جيبنا
أو الشغل اللي بنعمله، لكن الحقيقة إن ربنا بيرزقنا
بطرق كتير مختلفة بتغني حياتنا:

الصحة، لما تقوم من النوم قادر تتحرك وتعيش يومك
، دي نعمة ماحدش يقدر يشتريها.

الناس اللي حواليك، أصحاب، عيلة، أو شخص واقف جنبك في وقت احتياجك.

راحة البال، سلام داخلي ربنا بيزرعه في قلبك
حتى في أصعب الظروف.

الإيمان، اللي بيقويك ويطمنك إن ربنا دايمًا شايفك ومش ناسيك.

الفرص الصغيرة، حاجات بسيطة بتحصل في وقتها تغير حياتك كلها.

فاكرين لما المسيح قال:
"أَمَا تَنْظُرُونَ طُيُورَ السَّمَاءِ؟ فَإِنَّهَا لاَ تَزْرَعُ وَلاَ تَحْصُدُ
، وَلاَ تَخْزُنُ فِي أَهْرَاءٍ، وَأَبُوكُمُ السَّمَاوِيُّ يُقِيتُهَا." (متى 6: 26)

ربنا بيعتني بكل تفاصيل حياتك
، ودايمًا بيديك أكتر مما تطلب أو تتخيل
، بس محتاج تفتح عينك وتشوف.