زوادة اليوم: فضّي حالك الأحد الجايي : 16 / 1 / 2025 /

[souad jaalouk]

زوادة اليوم:
فضّي حالك الأحد الجايي

بيوم من الإيّام، التقى شبّ ما بيروح عالكنيسة ختيار جارو سألو الختيار :

"ليش ما عم شوفك بالكنيسة يوم الأحد؟ هيدا نهار الربّ ولازم نخصِّص وقت نصلّي ونشكر."

ضُحِك الشبّ وقال :

"يا عمّي، مش فاضي عندي ألف شغلة بعملها بهالوقت."

ابتسم الختيار وقال :

"فضّي حالك الأحد الجايي و بعدين منشوف إذا بيستاهل أو لأ"

وفعلًا، هيك صار.

لمّا بلَّش القدّاس، سمع الشب الترانيم وشاف الناس عم يصلّوا بخشوع، وكل واحد حامِل همّو وقصتو، وعم يتركها بين إيدين الرب.

حسّ بشي غريب، براحة بقلبو، وكأنه عم يكتشف شي مفقود بحياتو و عرف إنّو الحياة مع يسوع بتعطي سلام لقلبنا ما في مِنّو بين الناس!
والله معكن.

[walaa farouk]

ميرسي على زوادة اليوم
ربنا يبارك خدمتك

[souad jaalouk]

مرسي كتير على مرورك الحبيب أختي الغالية

[Mary Naeem]

شكرا على الزوادة
ربنا يفرح قلبك