اتلامس مع المسيح واخلق لنفسك فرصة معاه زي نازفة الدم

[Ramez5]

وسط زحمة الناس متبقاش مجرد فرد في مجموعة
اتلامس مع المسيح واخلق لنفسك فرصة معاه
زي نازفة الدم ..
اللي صممت تاخد قوة وشفاء ليها وصدقت ده..
فكان ليها طلبها ومشتهي قلبها

متروحش اجتماع زيك زي غيرك ..
صمم تاخد رسالة شخصية تعيش بيها
متقفش تصلي وسط الناس زيك زي اي حد ..
اطلب بإخلاص يبقي الوقت ده فرصة يبقي لقاء شخصي وخاص جداً معاه

هو موجود وحاضر دايما انت اللي بتلف في دوامة ودايرة مشغوليات واهتمامات واولويات غيره

علي أد ما هتبقي امين في طلبك ومحاولاتك بلجاجة انك تتقابل معاه وتتحد وتتعمق في علاقتك بيه
هتاخد اكتر بكتير من اللي بتطلبه او تتوقعه

اللي بيطلب وبيسعي باستقامة وبأمانة بيلاقي
بيدوق.. وبيرتوي.. وبيتمتع
وكمان بيجري يفرح القلوب وينشر الخبرة المُبهجة دي
وبيلاقي نفسه بيصلي ان كل اللي حواليه يدوقوا ويرتوا ويتمتعوا زيه

وكل ما هتدوق وتتمتع هتلاقي نفسك بتطلب باشتياق اكتر
وبتسعي وتجتهد اكتر فهتلاقي نفسك دخلت في بُعد جديد
وتبتدي تتكشف لك أعماق انت مكنتش مدرك وجودها
وعينك وفكرك ينوّر فتطلب المزيد ..
وتفضل مكمل في الرحلة الجميلة الممتعة دي
رحلة ملكوت الله رحلتك الأبدية للأبدية .

[Mary Naeem]

مشاركة في قمة الجمال

ربنا يبارك حياتك