قولتله انا زعلانه منك

فرونكا · رقم المشاركة : ( 1 ) 12 - 11 - 2012, 05:27 PM

قولتله انا زعلانه منك
**************

كل يوم قبل ما انام
قبل ما احلم بأى احلام
اقف واقوله واطلب منه
اى حاجه انا نفسى فيها
واحكيله على اللى حصل فى يومى كمان

كان ما بينا علاقه قويه
كان هو ابويا وصاحبى وحبيبى واخويا
لو خارج باخده معايا
ولو مضايق بحكى ع اللى جوايا

جيت فى يوم ادلعت عليه
وطلبت منه حاجات كتير
كان منها حاجه كبيره اوى بالنسبالى
بالنسبالى كانت حلم عمرى
طلبتها مره واتنين وتلاته
وقولت حتى لو هضرنى انت قادر ... قادر تخليها تنفعنى

كل يوم اطلبها منه
كل يوم ألح عليه
واقوله برضوا ( لو مفهاش خير انت قادر تجعل فيها خير )

كانت ثقتى كبيره فيه
كنت متوقعه انه مهما يحصل هيحل اى موضوع نفسى فيه
اصله قال لو عندكم ايمان مثل حبه الخردل
وانا اصلا كل ثقتى كانت فيه

وفى يوم الدنيا كلها هاجت عليا
مشاكل كتير بقت حواليا
مش عارفه اعمل ايه
وعشان متعوده انادى عليه
ناديت وقولت الحقنى
وكأنه مبيردش عليا

صوته اختفى من ودنى
وكأنه ميعرفنيش
وكأن مفيش عشره بينا

بس برضوا كنت واثقه
ان لسكوته فى فايده

وبعديها بكام يوم كل المشاكل هديت
زى ما يكون بيقولى انا زى ما هيجت الموجه انا قادر اهديها تانى
بس اللى كان كمان احلى
انه فى كل المشاكل عطانى اجابه سؤالى
قالى اللى بتتمنيه مش هتحققيه
لانه مينفعكيش
حتى لو حولت الشر خير مش هينفعك
وانا عاوزلك حاجه تانيه احلى

كأنه بعتلى الرد ده فى كل المشاكل اللى حواليا

تانى يوم ادلعت عليه
وقولت انا برضوا زعلانه منك
يا ابويا بنتك وبتدلع عليك
مش هقول ليه مش ادتنى طلبى

لكن هقول ليه المشاكل
كان ممكن تبعتلى ردك
بس يا ابويا فكل تفائل

رد عليا بطريقه غير مباشره
وقالى يا بنتى ما انتى لو لحظتى
انا لو مكنتش بعت ردى وسط المشاكل
مكنتيش هتشوف الاحلى من طلبك
ومكنتيش هتشوفى اضرار طلبك

انتى دلوقتى اقتنعتى
لما ردى جه فى وقته وسط مشاكلك

قولتله : حقيقى بحبك
ولو عشت عمرى كله اقولها
عمرى ما هعرف اوصفها

------------------------------------------
هى ديه اراده ربنا