14 - 07 - 2024, 07:56 PM
|
|
|
|
..::| الإدارة العامة |::..
|
|
|
|
|
|
٨ أيام ..مابيقولش الكتاب حصل فيهم إيه!!
القصة كانت قبل ال ٨ أيام.. اتجمع كل التلاميذ، شافوا يسوع اللي قام من الموت داخل والأبواب مُغلّقة وطمّن قلوبهم وشافوه..
إلا توما ..ماشافش وماحضرش وقال لو ماشُفتش مش هآمن!!
وعدى ٨ أيام ..🕑
- جايز دارت فيهم حوارات فردية بين توما والتلاميذ
- جايز حد منهم استغرب موقفه، وجهله ولامه، يمكن حد تاني انتهر عدم إيمانه وبشياكة حاول يوبخه على موقفه ده، - حد تاني مافهمش وطنشه أصلًا..
و بعد ٨ أيام..
يجي يسوع في مشهد تاني مهيب
وكأنه جاي لتوما مخصوص، خلاه يشوف، يتأكد ويلمس أثار المسامير..
وكأنه بيقوله شكك متقدر يا توما المقابلة كأنها خبرة متفصلة ومتجهزة لشخصية توما، يبني جواه إيمان لمرات جاية، يشدد ويشجع بيها غيره..
في مواقف جايه أصعب وهتفتكر الخبرة دي يا توما، انه حتي لو ماشُفتش لازم يبقى جواك يقين أن الله مازال موجود ف المشهد
حقي أشك و أسأل، اسئلتي متقدرة..
وحيرتي متشافة قدام الله، وطال الوقت
أو قصر الله بنفسه بيجي يتعامل معاها ..
صدق في دا عشان تقدر تعيشه
إنسان_ولكن
|
