|
 |
 |
 |
|
|
|
رقم المشاركة : ( 1 )
26 - 06 - 2024, 07:17 AM
|
|||||||||||
|
|||||||||||
 طفل بعمر الخمس سنين ماشى فى الشارع وماسك فلوس فى ايديه وقافل على الفلوس جامد قوى وماشى بحذر شديد وبيبص يمين وشمال ... راح للراجل البقال قاله عاوز كيس ملح وخمس كياس مرقة فراخ وكيس كلور وحط كل حاجه فى كيس .. وهات الباقى ٢٠ جنيه .. غالبا مامته محفظاه الجمله على بعض 🤭 المهم فا الراجل عطاله الحاجه وعطاله الباقى ٢٠ جنيه فعلا ٤ خمسات .. الولد اتصدم كدا ووقف وقاله لا انا عاوز الباقى عشرين جنيه . ياولدى مادول اربع خمسات يعنى عشرين .. الولد وقف كدا وفكر للحظه وقاله لا انا عاوز ورقه واحده مكتوب عليها عشرين .. قاله مافيش طيب نعمل ايه دول بجد عشرين.. راح الولد ارتبك كدا وحس نفسه هايتضحك عليه وقاله بقولك ايه ياعمو هات فلوسى كدا انا مش هاشترى منك ... وخد الولد الفلوس ومشى .. الخلاصه من القصه دى .. اننا دايما احنا يا كبار بنمر بحالة الطفل دى ايوووووه ماتستغربوش، كلنا بيحصل معانا كدا .. لما نكون كبار وتقابلنا مشكله وعاوزين نحلها بطريقه واحده مالهاش تانى ايا كان بقى الطريقه دى ايه سواء قلق او عصبيه او نكد طيب ما قدامنا طرق كتير حلوه وجميله اننا مثلا نكون هادين عشان نعرف نفكر مثلا ، اننا نصلى لربنا يساعدنا ويرشدنا ، اننا نعمل اللى علينا بهدوء وسلام نفسى ونسيب ربنا يتصرف ونسلم له كامل حياتنا واحنا مطمنين .. ليه ماسكين فى طريقه واحده ماهى العشرين ورقه واحده هى هى الاربع خمسات ولا ايه ؟؟؟ 
|
 |
|
| قد تكون مهتم بالمواضيع التالية ايضاً |
| الموضوع |
| لقد واصل طريقه إلى أورشليم، وكان طريقه هو الأشق والأصعب |
| مش بنخاف لأن فيك ماسكين |
| لحظه واحده في الجحيم ولحظة واحده في الأبديه |
| هناك طريقه واحده لكي نلامس السماء |
| ماسكين فى السماء |
العرض المتطور