اصل انا ملتزم

[walaa farouk]

قال لا أصل أنا "ملتزم"
صعب مش سهل بس بيتعمل،
دا المبدأ اللي كان ماشي بيه دانيال طول لحياته..

التزامي مش في الاكل بس، دا في العلاقة كلها في الصغير قبل الكبير..

التزامي أساسه محبه مش فرض وخوف من العقاب ..

التزامي مش بس حاجة جوايّ في قلبي وأفكاري،
لكنه البوصلة اللي بتحرك فيّ سلوكي وقراراتي..

اللي ملتزم ناحيته أبويا مش بس إلهي
فإزاي أخلي حاجة تشاركه قلبي..

ملتزم وأنا بعيد أوي ومسبي وتعبان زي ما أنا قاعد في بيتي وبصلي في اوضتي..

الالتزام اللي طالع من قلب صادق هو اللي بيعرف يكمل للآخر،
والضغط والتحدي هما اللي بيبينوا معادن التزامنا ناحية ربنا،
فوقت التحدي هتعرف أنت هتختار الأسهل والأريح
ولا هتختار الصح حتى لو الأصعب!!

وبالرغم أن في التزامنا الجزء الأكبر علينا إلا أننا برضو
مش بنعملها بشطارتنا لكن الرب بيشوف شوق وصدق قلبنا
وبيدعمه بسنده تكبره وتزوده أضعاف أضعاف
، هو بيقدر اتجاهات قلوبنا وبيعرف يكافئها كويس جدًاا.

أَمَّا دَانِيآلُ فَجَعَلَ فِي قَلْبِهِ أَنَّهُ لاَ يَتَنَجَّسُ
بِأَطَايِبِ الْمَلِكِ وَلاَ بِخَمْرِ مَشْرُوبِهِ،
فَطَلَبَ مِنْ رَئِيسِ الْخِصْيَانِ أَنْ لاَ يَتَنَجَّسَ. (دانيال ١: ٨)