قصـــــــيدة (( خــــاطـــى وراجـــــع ))
=====================
خاطى وراجع اتوب
وامسح بايدى الذنوب
واغير قلبى زى كل القلوب
واعيش مع اللى عشانى مات مصلوب
خاطى وراجع ندمان
على ذنوبى بتاعت زمان
وعلى خطايا كل انسان
وجى اعيش فى حضن الملك الديان
خاطى وراجع من جديد
امسح الخطايا بايد من حديد
حتى لو هموت ليلة العيد
اسمى هيكون خاطى وراجع شهيد
خاطى وراجع اصليلك
واعمل بكلام انجيلك
واشوف معجزاتك مع جيلك
وارقع تحت صليبك وانديلك
خاطى وراجع ليك مشدود
اكتب وارتلك كلام منشود
اصل فى امجيلك ليا عهود
وبايدك انت راح اكون انا مسنود
خاطى وراجع ببكايا
اصل عدو الخير كان ساكن جوايا
وانت جيت طردتة وسكنت ويايا
وادينى شايل اسمك ودة سر هنايا
خاطى وراجع اعيش فى النور
ومش هكون تانى مكسور
وحدك انت خالتنى اكون منصور
وحياتى معاك ديما فى سرور
خاطى وراجع بعد استحال
ورجوعى للخطايا دة شئ محال
وهفضل معاك فى اى حال
ومهماكانت الاحوال
اصل انا خاطى ولما صدقت ارجع ليك
وفى صلاتى كل يوم هلاقيك
حتى لو غبت عنى هفضل مستنيك
اصل قلبى واسمى مرتبط بيك
تحياتى لكم
مينا الراهب
منققققققققققققققول
