|
 |
 |
 |
|
|
|
رقم المشاركة : ( 1 )
03 - 02 - 2024, 08:13 AM
|
|||||||||||
|
|||||||||||
 فى قرية من القرى بنت بسيطة راحت لابونا قالتله انا عايزة اخدم.. قالها انت اسمك ايه قالتله"جميلة" فقالها انتى بتعرفى تفكى الخط ؟! قالتله لا قالها طب حافظة الحان ولا ترانيم؟ قالتله لا قعد يسالها شوية اسئلة دينية كل ما يسألها سؤال تقوله ما خبراش ما عرفاش.. ابونا قالها طيب يا بنتى انتى ممكن تيجى تصلى عادي مش لازم تخدمى الخدمة ليها مواصفات معينة.. قالتله طيب انا بعرف اخيط حلو قوى .. قالها خلاص اى حاجة محتاجة خياطة فى الكنيسة هنديهالك تخيطيها.. كانت جميلة كل مرة تاخد حاجة تخيطها تقعد فيها ساعات طويلة بالرغم من انها كانت ممكن تاخد دقايق لكن علشان تتقنها وتطلع باحلى شكل وطول ما هى بتخيط تصلى وتقول يارب اللى ياخدها تعجبه ويتبسط بيها يارب ساعدنى تطلع حلوة.. وتمر الايام وفى يوم من الايام والناس خارجين من الكنيسة لقيوا رجل لابس لبس مقطع ومطلبش من حد خدمة كل الناس مشيوا بما فيهم الخدام.. لكن جميلة اول ما طلعت من باب الكنيسة وشافته جريت عليه.. وقالتله ايه اللى مقعدك هنا فى البرد دا تعالى معايا البيت.. وطول السكة تقوله انت اسمك عمى مين؟! مايردش تقوله انت منين ؟! مايردش.. طب عيالك فين ؟! مايردش يبصلها ويضحك .. وهى تضحك وتقوله خبر ايه مالك.. وصلوا البيت وخدته فطرته وعملتله شاى.. وقالتله هات الجلابية دي اخيطهالك .. خدت الجلابية وخيطتها .. وبعد ما ادتهاله ...قاله تعرفى انا مين يا جميلة ؟! قالتله يعنى طلعت عم بتتكلم لا ما خبراش انت مين.. قالها انا المسيح اللى بتخدميه وبتخيطى الحاجات المقطعة فى كنيسته كل مرة بتخيطى لبس لواحد بيلبسه من اخوة الرب كأنى انا اللى لبسته .. انتى خدمتك جبارة اتفوقتى على كل الخدام بما فيهم ابونا .. وليكى فى السماء اكليل كبير .. وفى الحال الاوضة اتملت نور وبخور واختفى المسيح.. وبعدها قررت جميلة تكرس نفسها وحياتها للخدمة دى وتخيط اى حاجة فى كنيستها وكل الكنايس اللى فى القرى المجاورة.. انا عايز اقول مفيش حاجة اسمها مواصفات للخدمة اى حد يقدر يخدم المسيح سواء متعلم او جاهل . .غنى او فقير.. جميل او لا.. الخدمة محتاجة الكل والكل ينفع يخدم باللى يعرف يقدمه . . الحصاد كثير والفعلة قليلون والمسيح عنده اللى بيمسح كنب كنيسة صغيرة كام متر فى قرية بعيدة محدش يسمع عنها وهو مبسوط وفرحان بخدمته اعظم من اللى بيوعظ فى اكبر كنيسة وعلى اعلى منبر وهو كل همه ياخد اللقطة.. [اخدموا كما ينبغى] 
|
 |
|
| قد تكون مهتم بالمواضيع التالية ايضاً |
| الموضوع |
| ينبغي أن تتعب من أجل الخير، ينبغي أن تجد لذة في هذا التعب |
| اخدموا ببشاشة اخدموا بفرح |
| هيا ادخلوا إلى الأعماق |
| لا ينبغي البكاء على المحتوم بل ينبغي مواجهته |
| اخدموا الجميع |
العرض المتطور