|
 |
 |
 |
|
|
|
رقم المشاركة : ( 1 )
03 - 01 - 2024, 10:23 AM
|
|||||||||||
|
|||||||||||
 سمعت حد بيقول: إن عيد الميلاد السنة دي في بيت لحم عيد حزين😔 بصراحة الكلمة صدمتني وقعدت أقول من إمتى العيد بيبقى حزين، دا الوقت اللي بنستناه من السنة للسنة نفرح فيه ونعلق الزينة!! بس الحقيقة لما فكرت ودورت اكتشفت إنه هو فعلًا الوقت اللي اتولد فيه يسوع كان حزين، مكانش مُفرح ولا حاجة.. وقته مايختلفش كتير عن وقتنا، صراخ ووجع ودموع وفقدان للأمل.. بس في حاجة عملت فرق، عارفين إيه هي: ميلاد يسوع نفسه، رغم كل اللي حاصل وقت ميلاده إلا أن كل الإعلان اللي كان بيتقال عنه وقتها ، إنه جالكم بشرى فرح، سلام، سعادة، جالكم اللي هيحول كل اللي انتوا فيه.. على الأرض السلام وبالناس المسرة.. يمكن وقتها كان إعلان غريب لأن الناس مش عارفه إزاي ممكن دا يحصل وإزاي أحوالهم هتتبدل، لكن دلوقتي إحنا عارفين وشايفين .. عارفين عمل الله في قلوبنا شكله عامل ازاي، شايفين التغيير اللي في حياتنا بسبب قبولنا للرب ولخلاصه لينا.. ميلاد يسوع المسيح بدّل التاريخ، جدد لينا الأمل من تاني، في روح متصالحة وحياة أبدية مضمونة مع الله في سماه .. 
|
 |
|
العرض المتطور