خبرات و مهارات في السهرات

[walaa farouk]

لو عايز تستفيد من سهرة كيهك
و تبقي نقلة روحية ليك حاول تعمل الوصايا العشر دول :
1️⃣ ماتجيبش موبايلك معاك و لو جيبته ماتطلعوش من جيبك
2️⃣ ماتقعدش غير للضرورة علشان
١ أنت بتقدم أتعاب الجسد و دي اللي بيسموها الآباء جهاد الإماتة
٢ بكرة هاتكبر و تقعد غصب عنك
3️⃣ ماتتكلمش مع حد و ماتوزعش ابتسامات و تعليقات خلي صلاتك حارة
الحكاية زي ّ ما تكون بتعمل شاي و كل ما الماية تسخن تحط عليها ماية ساقعة
كل ما تتكلم أو تضحك وقت الصلاة صلاتك بتبرد
و زي ّ ما الماية الباردة ماتعملش شاي برضه الصلاة الباردة ماتعملش تغيير
ركز انك تكون أكبر وقت في ((( حالة الصلاة )))
و دي عايزة جهاد وتعود بعد كدة هاتتلذذ بيها
4️⃣ ماتتحركش كتير من مكانك ( أو ماتتحركش خالص 🙈 )
القاعدة الروحية بتقول ((( هدوء الجسد من هدوء الحواس )))
جرب ماتتحركش و هاتحس بفرق كبير

🙏🙏🙏 اخواتي الشمامسة 🙏🙏🙏
5️⃣ ابعد عن الميكروفون علي قد ما تقدر إلا إذا اتوزع عليك
6️⃣ ماتطلبش تدق الناقوس أو المثلث أو الصنوج إلا إذا اتوزع عليك
7️⃣ الطبقة العالية مش شطارة
8️⃣ السرعة في الألحان إهانة للألحان
9️⃣ لا تتعاجب بصوتك .. صلي علشان نصلي وراك

🙏🙏🙏 لينا كلنا ( الشمامسة و الشعب ) 🙏🙏🙏
🔟 لو لقيت حد ما بيعملش الحاجات دي
ماتدينوش إنما صلي لنفسك و صلي له

الحاجات دي صعبة جدااااااااااااااااااااااااااااااااااااااااااا
بس بتحول السهرة من وقت ترفيهي قضيته في الكنيسة
لنقلة روحية في حياتك تطلع منها و قد أعطاك الرب قلب آخر

وَكَانَ عِنْدَمَا أَدَارَ كَتِفَهُ لِكَيْ يَذْهَبَ مِنْ عِنْدِ صَمُوئِيلَ
أَنَّ اللهَ أَعْطَاهُ قَلْبًا آخَرَ، ( ١ صم ١٠ : ٩ )