ازاى انمى فى بنتى ثقتها فى نفسها

[توتا كمال]

بنتي بتخاف وثقتها في نفسها مهزوزة
إزاي أنمي الثقة والشجاعة عندها ؟
----------------------------------

كان ليا واحدة صاحبتي بتخاف موت من أي كائن حي بيتحرك (عصفورة، صرصار، فرخه،سمكه....)وعلشان إحساسها بالخوف ديمًا بيوجعها ومكنتش عاوزه بناتها الأتنين يطلعوا زيها بدأت تركز معاهم من صغرهم إنها متوريهومش خوفها وتمثل الشجاعه قدامهم وتشجعهم عليها
فعلّا البنات حاليًا 5 سنوات وفي النقطة دي تحديدًا مش بيخافوا خالص

وعلشان أنتِ كأم أكتر حد بيبقى مع البنت فمحتاجه

1- تكوني قدوتها في الثقة والشجاعة لأنها بتتعلم اللي بتعيشوا مش اللي بتسمعه

2- تشوفي أكتر نقاط قوة ظهرت عندها وشجعيها عليها بشكل شبه يومي بالكلام والفعل والحاجات اللي مش بتعرف تعملها حسسيها إنك واثقه إنها هتعرف تعملها وقوليلها إنها تقدر وأديها مهام بسيطه متأكده إنها هتنجح فيها ولما تنجح شجعيها وصعبيلها الدنيا حبة صغيرة قوي بحيث بشوية مساعدة وتشجيع تقدر تتعلمها وتعملها وهكذا

3-ديمًا حاولي توفريلها بيئه تربوية آمنه وداعمه حتي لو منك أنتِ بس

4-شجعيها تجرب وتكتشف حاجات جديدة لأن كل الحاجات دي هتعلمها مهارات جديدة وهتزيد عندها ثقتها بنفسها

5-تعاملي مع فشلها بشكل صح بأنك تشجعيها وتدعميها تحاول تاني وتصبر لغاية ما توصل للي هي عاوزاه وفهميها إن ده مش فشل ولكن فرص جديدة للتعلم والنمو بطريقة تناسب سنها

6-دوري على القصص اللي بتتكلم عن الثقة بالنفس والشجاعه واحكي لها منها كتير

7-الأنشطة والرياضات الجماعية من الحاجات اللي بتنمي مهارات الثقه والشجاعه عن طريق تعلم مهارات التواصل والتعاون

[Mary Naeem]

موضوع مميز
ربنا يباركك