|
 |
 |
 |
|
|
|
رقم المشاركة : ( 1 )
11 - 11 - 2023, 05:54 PM
|
|||||||||||
|
|||||||||||
|
=ريم محتاجه أتكلم معاكي في حاجه تخصني
عندك استعداد تسمعيني -أيوه بدأت أتكلم وأنا مش متأكده أنها هتفهمني بسنها الصغير (15سنة) بس ما صدقت الحقيقي توافق وتخرج من كهف العزله والبعد الطبيعي بتاع المراهقة وبعد ساعتين من الكلام والفضفضه بدأ مودي يتحسن واللي كان أسوء حاجه من أول ما صحيت وأبهرتني بما شاء الله كمية التعاطف والتفهم اللي ادتهوملي وبدأت كمان تديني حلول على قد سنها الصغير ------------------------------------ 💥في نفس التوقيت قبلها بيوم واحد بس كان وقت صعب جدًا ومكناش قادرين نوصل لنقطة تلاقي بسبب عصبيتنا احنا الاتنين أفتكرت إني مش لازم أكمل خناق ولا كان المفروض أبدأ خدت نفس عميق وانسحبت قبل ما الخناقه تكبر وبعد 4 ساعات قدرنا نوصل لحل مشترك ونقطة تلاقي -------------------------------- وقبلها وبعدها يوم مش قوي😐 ويوم كله انتاج وإنجاز🤩 ويوم بنزق فيه علشان يخلص بسلام😔 هي دي المراهقة يوم فوق ويوم تحت وهرمونات وخناقه في دماغ المراهقين وكتير بتطلع علينا ولو مفهمناش أن التغيرات اللي بتحصلهم تعباهم أكتر ما تعبانا وقدرنا أنهم مش قاصدين يعندونا هنفضل في صراع دائم وهنخسرهم والأكيد هتدي اهتمام وحب هتلاقي حتي لو بعد وقت طويل اهتمام وحب💚 😍 هتدي صوت عالي وعصبية هيبقى دي لغة التواصل المعتمده في البيت وبنتك مش هتعرف تتواصل غير بيها 😤 والأكيد أكتر إنك هتغلطي في التربية كتير ده عادي وطبيعي ✨بس الفاصل ✅بترجعي تسعي وتجربي أدوات جديدة للتربية والتواصل وتدربي نفسك على عادات جديدة زي التحكم في الغضب ❌ولا بتستسلمي وتأنبي نفسك وخلاص وترجع ريما لعادتها القديمة المراهقه كلها عواصف بالراحه على نفسك وبنتك علشان كل ما كنتي أهدى وأكتر تفهم هتعدي أسهل واسرع وكل ما تغلطي وترجعي تحاولي من الأول هتوصلي بيها لدرجة من النضوج وقوة العلاقه هتقولي لنفسك وقتها معقولة دي اللي كانت بتعمل كذا وكذا زمان 
|
|
11 - 11 - 2023, 06:18 PM
|
رقم المشاركة : ( 2 ) | ||||
|
† Admin Woman †
|
رد: الفضفضة
مشاركة جميلة جدا ربنا يبارك حياتك |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| لا تكثروا من الفضفضة |
| الفضفضة نوع من التعرّي |
| لا تكثر من الفضفضة |
| لا تكثري من الفضفضة |
| الفضفضة |
العرض المتطور