كل حلم ف قلبي ليَّ .. مستعد اتخلى عنه
يا تشاركني ف كل حلم .. يا إما انا متبري منه
كل حاجة يا رب لازم .. تبقى ملكك م النهارده
كل خطوة تكون برأيك .. تبقى راضي عشان انا ارضى
... مش هاعيش علشاني تاني .. أصلك انت أحق بيَّ
إنت أولى باللي باقي من سنين عمري اللي جاية
إن تعبت شوية عادي .. المتاعب مش بتكسر
مهما يحصل فيَّ راضي .. اللي جنبك مش بيخسر
و اللي عايزه ان كان عليَّ .. إني احسك و انت جنبي
ده الحياة بالنسبة ليَّ .. و مش بقول كده من ورا قلبي
كل شئ مقدور عليه .. طول ما قلبك راضي عني
والحياة فايدتها إيه .. لو ماكنتش جنب مني
الطموح وياك مباح .. و الأمل باصص عليَّ
بنسي بيك كل اللي راح .. و اشوف معاك أحلامي جاية
