احلى حاجة فى الدنيا ..

Rena Jesus · رقم المشاركة : ( 1 ) 15 - 10 - 2017, 08:37 AM

بعد سنين من الجرى وقطعة النفس على الصغيرة والكبيرة اكتشفت ان

_ مافيش حاجة مهما كانت مهمة تستاهل انك تخرجى من بيتك من غير فطار
_ ان مهما كان الشخص غالى عليكى اخره فى الغلاوة بلوك الفيس وخلصنا وريحى دماغك
_ ان شكلك ومظهرك دول لازم يكونوا اولوية لان الناس مابتشوفش الجوهر بس لازم شوية رتوش من برة.
_ ان صحتك هى اللى بتعمل القرش خافى عليها اوى.
_ ان ماحدش يستاهل تصرفى عليه قرش واحد غير امك وابوك واخواتك غير كدة ناس تتعد ع الصوابع خيرك لنفسك وللى منك بس
_ مافيش حاجة اسمها اعتمدى على راجل.. الرجالة هم اللى بقوا يعتمدوا عليكى .
_ اعملى مشروع هو ده اللى هايسند ضهرك حتى لو طلع عينك علشان تلمى فلوسه

_ اشربى مية كتير علشان وشك يتفرد .. حرام تعجزى بدرى قبل الاوان علشان شوية عالم لمامة.
_ ماتحرميش نفسك من حاجة اخرجى واتفسحى والبسى وكلى واشربى وحققى اى حلم عندك ماحدش هايعملك الحاجات دى غيرك.
_ ماتسمحيش لراجل يقولك الفالنتاين تفاهة وان البنت المثقفة لازم تترفع عن الشوكولاتة والدبدوب ...
الفرحة مش تفاهة.. الطفولة والرومانسية مش تفاهة ..
حقوقك كأنثى مش تفاهة ..
اللى يقولك كدة ارميه بطول دراعك علشان الراجل اللى بجد هو اللى مايستناش انك تطلبى تفرحى وتحسي بانوثتك
_ الراجل بجد اللى يقولك ارتاحى وانا اشتغل واستتك مش الى يقولك اعملك مشروع وتقفيلى فيه علشان يلم فلوس من شقاكى وعمرك.

_ الراجل بجد مش هو اللى يبيعك علشان مستوى ولا مال ولا قايمة ولا كل الهبل ده اللى هايعوزك هايقف فى وش الدنيا علشان يكون معاكى .. بدون شروط ولا تعقيد .
_ ماتكتميش فى نفسك علشان انت تستاهى تخرجى كل اللى جواكى ..
اللى يضايقك اديله بدل الكلمة عشرة علشان فى الاخر هم هايتكلموا ويرتاحوا وانت بس اللى هاتكتمى فى نفسك.
_ مافيش فلوس تستاهل انك تضيعى صحتك ..
_ مافيش ناس تستاهل انك تضحى بوقتك الهاى ومافيش نفوس صافية

بعد سنين من الجرى والمعافرة عرفت ان الصحاب دول عملة نادرة ..
وان الرجالة بجد عملة نادرة وان الوقت الحلو مع اللى بنحبهم بجد احلى حاجة فى الدنيا ..

sama smsma · 15 - 10 - 2017, 09:53 AM

بعد سنين من الجرى والمعافرة عرفت ان الصحاب دول عملة نادرة ..
وان الرجالة بجد عملة نادرة وان الوقت الحلو مع اللى بنحبهم بجد احلى حاجة فى الدنيا ..
اكيد
ربنا يفرح قلبك

Mary Naeem · 15 - 10 - 2017, 10:38 AM

بعد سنين من الجرى والمعافرة عرفت ان الصحاب دول عملة نادرة ..
وان الرجالة بجد عملة نادرة وان الوقت الحلو مع اللى بنحبهم بجد احلى حاجة فى الدنيا ..

صح يا قمر

ربنا يباركك حببتي

walaa farouk · 15 - 10 - 2017, 06:06 PM

بعد سنين من الجرى والمعافرة عرفت ان الصحاب دول عملة نادرة ..
وان الرجالة بجد عملة نادرة وان الوقت الحلو مع اللى بنحبهم بجد احلى حاجة فى الدنيا ..

كلام صح جدا يا رينا

Rena Jesus · 16 - 10 - 2017, 05:03 AM

ميرسى لمروركم الغالى
احلى حاجة فى الدنيا ..