18 - 06 - 2024, 10:48 PM
|
|
|
|
..::| الإدارة العامة |::..
|
|
|
|
|
|
فيه ناس كتير كانوا منتظرين من يسوع
انه يحقق حاجات غير اللي هو كان جاي عشانها خالص!
أجندتهم الخاصة وقت دخول يسوع لأورشليم كانت بتتطلب بطل بسيف وحصان وجيش ..
بطل يدخل ياخد مركز سياسي يغير شكل حياتهم الأرضية
وينقذهم من حكام أرضيين ويحررهم من سلطان زمني متشاف وملموس.
لكن يسوع كان جاي علشان يحقق خطة تانية خالص .
. خطة الله الآب اللي فيها حرية أكبر من كدة بكتير ..
حرية من سلطان الخطية اللي كان حكم على الجميع بموت أبدي
مابينتهيش بموت حاكم أرضي أو تغيير قوانين زمنية وأرضية.
الأيم دي وانت بتفتكر دخول يسوع لأورشليم اوعى تكون انت كمان بتعمل كدة ..
اوعى تكون بتطلب يسوع وبتستناه عشان ييجي يديك حاجات اقل بكتير من اللي هو عايز يديهالك .
. رحب النهارده بيسوع واطلب منه يحقق خطته هو في حياتك ..
وصدق ان خطته دايماً احسن من خطتك انت بكتير.
دخول يسوع كان بسيط ومتواضع وعلى جحش .
. بس قوة دخوله فرقت في التاريخ وغيرت شكل الحياة تماماً.
اطلب النهارده من يسوع يدخل حياتك بالطريقة اللي هو شايفها
وينفذ الخطة اللي هو عارفها.
|
