الشهيد اباسخريون زعلان عارفين ليه؟؟؟

بنت معلم الاجيال · رقم المشاركة : ( 1 ) 17 - 05 - 2012, 02:29 PM

الشهيد اباسخريون زعلان عارفين ليه؟؟؟

دى معجزه للقديس العظيم اباسخريون
كاهن فى الصعيد واسمه ابونا اسرائيل
كان بيعانى من الم شديد فى المثانه واحتباس البول وراح للدكتور وعمل تحاليل والدكتور اداله دواء وقاله استمر عليه لحد لما تخف. ولكن ابونا مش قادر يستحمل احتباس البول فضل مستحمل يومين وفى يوم الاحد صباحا عمل القداس سريعا وكل الناس لاحظه تعب ابونا وعندما انها القداس رجع على البيت وفضل ينادى الشهداء والقدسين ويقول
يا عدرا يا ما جرجس يا شهيد ابانوب يا بابا كيرلس وفضل ماشى فى البيت رايح جاى ينادى عليهم لحد لما دخل اوضته واتمدد على السرير شويه
ظهر له رجل راكب حصان ساءله ابونا انت مين فاقال له انا اباسخريون فقال ابونا اباسخريون جد المدام.(لان جد المدام كان اسمه اباسخريون)
فقال له الشهيد: لاء انا اباسخريون القلينى.
قال ابونا :بس انا ماندتكش
فال له الشهيد: هو ده اللى مزعلنى لانى انا فاضى فى السماء ومش بشتغل لكن ما جرجس مشغول والبابا كيرلس مشغول والعذراء مريم مشغوله وهى اللى طلبت منى انى انزلك انا على فكره اتعزبت كتير زى مار جرجس وانا فاضى فى السماءده حتى الطفل الصغير ابانوب برده مشغول
وبعد المعاتبه الرقيقه دى من الشهيد لمس بطن ابونا وشفاه واختفى من الاوضه التى كانت مليئه برائحه البخور الجميله خرج ابونا وهو فرح وقال لامرائته ان اباسخريون جاله وطبعا المدام كانت فاكره ابونا بيودع وجدها جاله عشان يخده معاه فقالت:ولا اباسخريون ولا حاجه احنا مش عيزينه وقال لها ابونا حاسبى على كلامك ده الشهيد العظيم اباسخريون القلينى واسرع ابونا الى ( الحمام )وتضفق البول منه ونزلت الحصوه منه وكان سعيدا جدا ومن الفرحه نزل للطبيب وطلب منه اجراء الفحوص مره ثانيه وطبعا كلها سليمه وتعجب الطبيب وقص عليه ابونا ما حدث ومجد الله على هذه المعجزه.

منقول